Sóni 8:17 - Manikáne O Ehwehne

¹⁷ Itega, Manikáne ehweh sehgiune eme mi ehwéhnká mahraréna, Téhranítégá morá éhwéhnóyana sene ehweh aiq pútaq ehwéhne ire.

Sóni 8:17 Referans Kwoze

Íbaru Ke 10:28

Wehukenínká Mósísiga sehgíóro ú ehweh anteruowara téhranítégábópoq apahránítógábópoq tagéra wene ahbabáq pahsutowara író kega ahbabáq aninsábé íre sirutaboiratasa subiq súówe.

Mátíyu 18:16

Arene ehweh íre irahnaraqmé peh morá ánípópoq téhranítébópoq meriqme weba kúno. Itene ehweh irankéhboq se meriqme kúno.

Kárétía 3:24

Sísa Karáhé íre tutaq Mósísine ehwehnka wehuke wahnahnúwe. Sísansabé aiq pútare atonayabé Manikánka kaweraitankeheéna Mósísine ehwehnka wahnahnúwe.

2 Kórína 13:1

Menah téhtaré tánáhráq iteba surauge. Mónkakáq ite koragéyabe nuwahbehre. Manikáne ehwehnka mahraréna, Téhranítégábópoq apahránítógábópoq wehukeníné ahbabáqsabe morá éhwéh irarirataq itega mi ehwéh kaweratahráhowe ire. (Lo 19.15)

Sokigi 11:3

Mi tanáhráq néne ehweh pahsúéhra aníté págege aritahnara sega nahonáh kórósí aneranerue méra áhnte ió 42 ió pahsuqme irarigehe ire.

Kárétía 4:21

Mósísine ehweh sehgieyabe iuwahbeh keo, mi ehwéhmé aiq kawerue iahtebaho?

1 Sóni 5:9

Wehukene ehweh ireq aiq pútaq ehwéhne irarúne. Manikáne ehwehnka wehukene ehweh anotahtaq kiotaikire. Manikánka wenahni éhweh teímé íráhro.

Sóni 15:25

Manikáne ehwehnka mahraréna, Sega ínénsabe pehipi suwahriehre ire. (Buk Song 35.19) Mi sehiránká aiq pútaragire.

Sóni 10:34

Uwana wega sensabé, Manikáne ehwehnka mahraréna, Ínéga itensabé, Ite manikámari móe atoge ire. (Buk Song 82.6)