Sémísi 2:11 - Manikáne O Ehwehne

¹¹ Manikánka mahraréna, Mó aníné ahre weh abariiyeho ire. Wega mó mahraréna, Mó aní subiq súého ire. (Kisim Bek 20.13-14; Lo 5.17-18) Minayabe arega mó aníné ahre weh íre abariia peh mó aní subiq suahnawe arega mi ehwéh aiq anteruahne.

Sémísi 2:11 Referans Kwoze

Aroma 13:9

Manikáne ehwehnka mahraréna, Mó kené ahre weh abariiyeho. Mó aní subiq súého. Aebóiyeho. Mó aníné ménsámehnsánsabe aigárá pabekíneho ire. (Kisim Bek 20.13-17; Lo 5.17-21) Anehe Manikáne ehwehnka mó mahraréna, Arerensabé arutaboirónanserah mó keyábé moq arutaboirúno ire. (Wok Pris 19.18) Mó keyábé arutaboiré ehweh sehgírataqmé ebeq teí éhwéhnkákáq moke mó miraoro ú ehwehnkákáq aiq sehgíówe.

Árúka 18:20

Sehgíóro ú ehwehmé aiq ahtebáhne. Mi ehwéhnká mahraréna, Mó aníné ahre weh abariiyeho. Mó aní subiq súého. Aebóiyeho. Mó keyábé péhe éhwéh arítého. Iteinoibone ehweh ireq se séhréh arítáhro ire úwe. (Kisim Bek 20.12-16; Lo 5.16-20)

Máhka 10:19

Sehgíóro ú ehwehmé aiq ahtebáhne. Mi ehwéhmé mahraue kéhre. Mó aní subiq súého. Mó aníné ahre weh abariiyeho. Aebóiyeho. Mó keyábé péhe éhwéh arítého. Péhe éhwéhnue mó kené ménsámehnsá meyého. Iteinoibone ehweh ireq se séhréh arítáhro úwe.

Mátíyu 19:18

Úwana wega Sísansabé, Aneq sehgíóro ú ehweh sehginínkono úwana Sísaga wensabé, Mó aní subiq súéhneho. Mó aníné ahre abariineho. Mó anínsábé péhe éhwéh atéhneho.