Madius 9:2 - Intas-Etipup Mat u Iesu Kristo 1863 (Aneityum Gospels)

² Eris imyiapan ehelen natimi is ethi is emehe aien va napalse, eris atijai yin an nitai ahled: is wat ecetai nimyiisjis ninivaijec ura a Iesu, is ika aien ehele natimi emehe va napalse, Ak inhal unyak, namu imyiacitak aiek; eh mun iknipagki nedo has unyum.

Madius 9:2 Referans Kwoze

Madius 9:22

Is um ahidai yin a Iesu, um ecet yin, um ika, Ak intakata ineigki, namu imyiacitak aiek; na mun cehcehe aiek va nimyiisjis ninivaijec unyum. Is um cehcehe a intakata an nuarin-nadiat iyehki.

Joanes 21:5

Is um ika ehele ra a Iesu, Ak ilpu takuras, eka mun leh numu aijaua, ka o’o? Eris um ika ehelen ara, O’o.

Madius 8:10

Is wat atahaijeg a Iesu is um imyiali aien, um ika ehele ilpu atimi apitac yin, Et inivaijec ineig ek asaig ehelemia ainyak mika, kis eti ecetai tah nimyiisjis ninivaijec esjilid ainyak, et idivaig ineig, an pece Isreel asega.

Madius 4:24

Is apaahni intas vai yin an pece Sirya asega: eris imyiapan ehelen ilpu atimi emehe asega ara is acheiachei nemehe ira ra im nohocred, im ra eris amen ira ra a ilpu agelo has, im ra is ti lelra ara, im ra eris apalse ara; is ago cehcehe ra aien.

Joanes 16:33

Ek mun asuptecnaig nitai iji eigki ehelemia ainyak, mika yi eigpa inliinmopomia aijaua vai nyak. Akupu ohocred aijaua an nobohtan: jam jim auatialidi; ek esjilid ainyak ira atimi an nobohtan.

Madius 9:6

ja, mika aki ato aijaua, nikavaig, et emda a Inhal o natimi an nobohtan par iknipagki nedo has, (is ika aien ehele natimi emehe va napalse,) Atidai aiek, um leh nitai ahled unyum, um atga unyum, um apan an neom unyum.

Madius 8:16

Is wat jupura, eris imyiapan ehelen natimi is ahinag ara, eris amen ira ra a ilpu agelo has: is ahlo ilpu agelo aien an tas is ethi, um ago cehcehe ra asega eris emehe ara:

Joanes 2:25

is eti ika aien yi pu asuptecna atimi tah ehelen; is tup ispun ato inliimopoi atimi aien.

Madius 6:12

Um jim aru tah nedo has unyima aiek, et idivaig ecra eti aru tah nedo has o atimi vai cama aijama.

Madius 9:5

et tup upene nikavaig, Eh mun iknipagki nedo has unyum; ka nikavaig, Atidai aiek, um atga?

Madius 14:27

Is idim tas ehele ra a Iesu, um ika, Etmu eropse inliinmopomia aijaua; ainyak aigki; jim imtitaig aijaua.