Madius 8:4 - Intas-Etipup Mat u Iesu Kristo 1863 (Aneityum Gospels)

⁴ Is ika ehelen a Iesu, Namu jim asuptecnaig ehelen tah aiek; jam atga unyum, um ehvai euc ehele natimi ahlap, um ahlap an nitai tup ahtai ineig is asaig a Moses, nitai asuptecnaig imi ra.

Madius 8:4 Referans Kwoze

Lukas 17:14

Is wat ecet ra aien, is ika ehele ra aien, Akumu apan aijaua um ehvai caua ehele ilpu atimi ahlap. Eris wat apan ara, eris adicinadicin ara.

Lukas 5:14

Is acaiji yin aien, mika yi jim asuptecnaig ehelen tah: um ika, Namu apan aiek, um ehvai euc ehele natimi ahlap, um ahlap va nadicinadicin iram, an nitai ineig is asaig a Moses, nitai asuptecnaig imi ra.

Madius 9:30

Is um asalgei nesganimtarau arau; is idim acaiji rau a Iesu, um ika, Jim asuptecnaig ehelen tah.

Madius 17:9

Eris ahes an nedoon iyehki ara um asuol, is acaiji ehtaij a Iesu um ika, Jim asuptecnaig ehelen tah nitai ineig ehtaij mun almoi aijautaij an naopan ineig, um uhum pan naopan iyehki inyi nusjai a Inhal o natimi vai inmas o un, ja par asuptecnaig.

Madius 10:18

uhpu imyiapan caua an nuhup o ilpu atimi alupas im ilpu atimarid vai nyak, nitai asuptecnaig imi ra im lep imi nup urai iji pece.

Madius 6:1

Akumu jim ago nedo upene unyimia aijaua an nuhup o atimi, mika eri alum caua ara: el eka ago nedo ineigki aijaua, inyi ti alupai caua nimtan a Etmamia an nohatag.

Madius 5:17

Akumu jim aktaktai aijaua, um ika, kis ham ainyak par auahas intas alep, im intas o ilpu profeta: kis eti ham ainyak par auahas itai, jai kis ham ainyak par ago ehni.

Joanes 8:50

Ek eti ahilek nimyiahpas nyak ainyak: ja et ahilek tah et ethi, um aktaktai nyak.

Joanes 7:18

Aien et ispun tas vai yin aien, et ahilek nimyiahpas yin aien: ja aien et ahilek nimyiahpas yin is abrai yin aien, et inivaijec aien, um atoh nedo o un.

Joanes 5:41

Ek eti leh nimyiahpas nyak o atimi ainyak.

Lukas 21:13

Etpu asuptecnaig caua nitai iji eigki.

Madius 16:20

Is acaiji ilpu atimi atahaijeg yin aien mika eri jim asuptecnaig ehelen tah, um ika, Et Iesu Kristo aien.

Madius 3:15

Is tas a Iesu, um ika ehelen, Jim imyiisjis aiek an naopan ineig: eris idim ika ti imyiaiji intas alep asega akaija. Is eti lep imyiisjis aien.

Lukas 4:41

Eris atceijai atimi is ahinag a ilpu agelo has, um ahlaig ijinies, um ika, Nai Kristo aiek Inhal o Atua. Is acaiji ra aien, mika eri jim tas ara: eris ato ara, nikavaig, is Kristo aien.

Lukas 8:56

Erus imyiali ahwat atmil o un: is acaiji rau aien mika eru jim asuptecnaig nedo ineigki arau ehelen tah.

Lukas 9:21

Is acaiji emda ra aien, mika eri jim asuptecnaig nitai ineigki ehelen tah;