Madius 8:2 - Intas-Etipup Mat u Iesu Kristo 1863 (Aneityum Gospels)

² Is apan ehelen natimi lepros is ethi, um atpuse an nuhup o un, um ika, Ak Natimarid, el et merit aiek, na emda aiek par ago adicinadicin nyak.

Madius 8:2 Referans Kwoze

Madius 18:26

is atpuse a naheca iyehki um ugni yin, um ika, Ak natimi alupas, etmu eropse inliinmopom aiek vai nyak, ekpu aru ehni ainyak.

Madius 15:25

Is apan aien, um atpuse an nuhup o un, um ika, Ak Natimarid, aiheuc vai nyak aiek.

Joanes 9:38

Is ika aien, Ak Natimarid, ek asgeig iram ainyak. Is atpuse an nuhup o un aien.

Madius 28:17

Eris wat ecet yin ara, eris atpuse vai yin ara: ja eris imyiisjis nahcil nahaiji ra.

Lukas 4:27

Eris amen an pece Isreel a ilpu atimi lepros is ahinag an naopan iyehki, an numoh o Elaisa naprofeta; jai eris eti ago adicinadicin tah ra, Neaman ache nupu Sirya.

Madius 26:6

Is wat amen Bedane a Iesu anliin neom o Saimona natimi lepros,

Madius 20:20

Is apan ehelen a risi ohwat hal o Sebetaius, im ohwat halav atamaig o un, um atpuse an nuhup o un, um ugni nitai is ethi ehelen.

Madius 14:33

Ara eris amen an nelcau ara, eris apan ara um atpuse an nuhup o un, um ika, Et idim inivaijec ineig, nikavaig, nai Hal o Atua aiek.

Madius 13:58

Is ago nauritai esjilid is eti elpat ache eahki aien, va nimyiisjis nahcil ura.

Madius 9:18

Is wat tas aien irai tas iji eigki ehele ra, is apan ehelen natimi alupas is ethi, um atpuse an nuhup o un, um ika, Et mun mas inhalav atahaig unyak: namu apan aiek, um atijai nikmam iran, etpu umoh aien.

Madius 28:9

Erus wat apan arau par asuptecnaig ehele ilpu atimi atahaijeg yin, is ehtet ira rau a Iesu, um ika, Kaiheuc vai caurau. Erus apan arau um asjira neduon, um atpuse vai yin.

Madius 10:8

Ago cehcehe ilpu atimi emehe aijaua, um ago adicinadicin ilpu atimi lepros, um imyianusjai ilpu atimi emesmas, um ahlo ilpu agelo has: akis tup leh aijaua, um tup ahtai:

Madius 4:9

um ika ehelen, El et atpuse aiek um alaigaheni vai nyak, el ek par alupai euc nitai iji eigki asega ainyak.

Madius 2:11

Eris apan ara anliin neom, um ecet inhalav ehele Mere risin, um atpuse an nuhup o un, um alaigaheni vai yin: eris ahiacse padiaig ura ara, um alupai yin niji itai tup ahtai; colt, im nidi libano, im nidi mura.

Madius 8:1

IS ahes an nedoon aien um asuol, eris ahced yin natimi is ahinag.

Madius 8:25

Eris apan ehelen a ilpu atimi atahaijeg yin, um ahugni yin, um ika, Ak Natimarid, namu imyiatamaig caija aiek: intumu emesmas akaija.