Madius 5:6 - Intas-Etipup Mat u Iesu Kristo 1863 (Aneityum Gospels)

⁶ Era mun ahesmoij ara et ehtele ra ara um ahvig emda nedo upene: erupu gaije ara.

Madius 5:6 Referans Kwoze

Joanes 4:14

ja aien inyi umnyi inwai ineig aien ekpu aluman ainyak, inyi ti lep ahvig wai aien irai iji mesese; inwai ineigki ekpu aluman ainyak inyi imtanwai anliinmopon, um ahlau ohua sjai nitai umoh iran inyi ti lep ti.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 7:37

An nadiat apitac, nadiat esjilid an nasjapicnaig ura, is um atidai a Iesu um efehtas, um ika, El et ahvig wai tah natimi, etmu ham ehelek aien um umwig:

Lukas 6:21

Eka mun ahesmoij aijaua et ehtele caua aijaua an naopan ineig: akupu gaije aijaua. Eka mun ahesmoij aijaua eka ehteigtaig aijaua an naopan ineig: akupu imyiacitak aijaua.

Lukas 1:53

Is alayi ilpu atimi ehtele ra niji itai upene aien; jam abraig pan ra eris ikni itai ara, um eti alupai ra itai.

Lukas 6:25

A’a, auwe vai caua, ak ilpu atimi gaije! etpu ehtele caua aijaua. A’a, auwe vai caua, ak ilpu atimi imyiacitak an naopan ineig! akupu aunyauwaig aijaua, um ehteigtaig.