Madius 5:3 - Intas-Etipup Mat u Iesu Kristo 1863 (Aneityum Gospels)

³ Era mun ahesmoij ara et ipjidipjid inliinmopura ara: et ura nelcau an nohatag.

Madius 5:3 Referans Kwoze

Lukas 18:14

Ek asaig ehelemia ainyak mika, is apan an neom o un natimi ineigki, eris ika uhmu eti aru nedo has o un, ja eris ika uhpu aru nedo has o natimi iyehki: aien et ika aien et esjilid, etpu upoupo aien; ja aien et ika aien et upoupo, etpu esjilid aien.

Lukas 11:28

Is ika aien, Maiya, ja era mun idim ahesmoij ara era atahaijeg intas o Atua ara, um imyiaiji.

Madius 11:25

An naopan iyehki is tas a Iesu, um ika, Ek naaurineig ainyak vai euc, ak Etmak, Natimarid an nohatag im nobohtan, va nitai ineigki, nikavaig, na adenaig nitai iji eigki aiek vai ilpu atimi arapakau, im ilpu atimi esjilid an nato itai, jam asuptecnaig ehele ilpu halav:

Lukas 4:18

“Et amen ehelek a Nesgai Ihova; is ati nyak aien mika ki asuptecnaig intas-upene ainyak ehele ilpu ihki atimi; is abrai nyak aien mika ki ago cehcehe ainyak ilpu atimi emehe inliinmopura, um lep asuptecnaig natceijaivaig ilpu atimi eris tup leucse ra, um ago lah nesganimtai ilpu atimi aupat nesganimtara, um ahiyi ilpu atimi ohocred,

Madius 13:16

Eka mun ahesmoij aijaua va nesganimtamia, et alum itai: im intikgamia, et atahaijeg itai.

Joanes 20:29

Is um ika ehelen a Iesu, Ak Tomas, na mun alum nyak aiek, um imyiisjis ninivaijec: era mun ahesmoij ara, era eti alum nyak ara, jam imyiisjis ninivaijec.

Madius 24:46

et mun ahesmoij naheca ineig, et wit ham a natimi alupas o un um ecet yin nagovaig nedo ineigki.

Madius 25:34

Etpu ika a Natimarid ehele ra an matan, Apam aijaua, ak ilpu atimi is aiheuc vai caua a Etmak, um amen an nelcau ineig eris ago imi caua an naopan iyehki is pam eti eteuc nobohtan:

Madius 11:6

Et mun ahesmoij natimi ineig, et eti imyiehcamai nyak aien.

Madius 8:11

Ek asaig ehelemia ainyak mika, Erupu ahes an ridjai o un natimi inyi ahinag, im lep an nete o un, um han ateuc ehele Ebraham, im Aisak, im Jekob, an nelcau an nohatag:

Madius 3:2

um ika, Akumu adumoij anliinmopomia aijaua: et mun ubutpotet nelcau an nohatag.

Madius 19:14

Is um ika a Iesu, Ude ilpu halav aijaua, eri apam ehelek ara, um jim acaiji ra; era idivai ra ara era amen an nelcau an nohatag ara.

Lukas 22:29

Ek ati nelcau imi caua ainyak, et idivaig is ati imi nyak a Etmak;

Lukas 22:30

mika aki hag aijaua um umnyi an nitai hag unyak an nelcau unyak, um ateuc irai dorona um asuptecnaig nimtan imi ilpu mapoi ilpu hal o Isreel et twelv.