Madius 26:41 - Intas-Etipup Mat u Iesu Kristo 1863 (Aneityum Gospels)

⁴¹ Aiji aijautaij um alaigaheni, va ahtiji jim apan an nedo oop cautaij; et emda inliinmopomitaij aijautaij, ja et auatialidi nohumitaij.

Madius 26:41 Referans Kwoze

Lukas 22:46

um ika ehele ra, Eka auri aijaua par umjeg? atidai aijaua um alaigaheni, va aki jim apan an nedo oop caua.

Madius 6:13

Um jim atau irama an nedo oop aiek, jam imyiatamaig cama va niji itai has. Et idim unyum aiek nelcau, im nemda, im nimyiahpas, irai iji mesese. Emen.

Lukas 21:36

Akumu aiji aijaua, um alaigaheni, um jim atumop, va uhpu ika vai caua aki upene aijaua mika yi ti yetpam iramia tah nitai irai itai iji eigki eri yetpam; akupu lep atidai aijaua an nuhup u Inhal o natimi.

Madius 24:42

Akumu aminjinai caua aijaua; eka eti ato aijaua nuarin-nadiat ineig etpu yetpam a Natimarid unyimia.

Lukas 22:40

Is wat yetpan aien eahki, is ika ehele ra aien, Akumu alaigaheni aijaua va aki jim apan an nedo oop caua.

Madius 25:13

Va nedo ineigki akumu aminjinai caua aijaua; eka eti ato nadiat ineig aijaua im inuarin-nadiat ineig etpu yetpam iran a Inhal o natimi.

Madius 26:38

Is um ika ehele ehtaij aien, Et ohocred alupas inliinmopok ainyak um idivaig inmas: amen aijautaij igcaki, um aiji ehelek.

Lukas 11:4

Um jim aru tah nedo has unyima aiek; ecra idim eti aru tah nedo has o atimi vai cama aijama. Um jim atau irama an nedo oop aiek; jam imyiatamaig cama va niji itai has.

Lukas 8:13

Ara era idivaig nupsi itai an nij ara, ara aigki era atahaijeg intas ara, um leh, um imyiacitak; et eti eteuc necvan tas ira ra, era eti elvimyiisjis ninivaijec ara, eh wat ago nedo oop vai ra era adumoij ara.