Madius 2:2 - Intas-Etipup Mat u Iesu Kristo 1863 (Aneityum Gospels)

² um ika, Eris apos natimarid u nupu Jutaia eda? ecris ecetai inmoijeuv o un aijama an ridjai o un, ecra mun ham aijama mika ecri atpuse an nuhup o un.

Madius 2:2 Referans Kwoze

Joanes 18:37

Is um ika ehelen a Pailet, Na idim atimarid aiek, ka o’o? Is um ika a Iesu, Na mun asaig aiek mika ek atimarid ainyak: eris apos nyak va nitai ineigki, kis lep ham ainyak an nobohtan va nitai ineigki, mika ki asuptecnaig nitai inivaijec ainyak: ara asega era apol an nitai inivaijec ara, era imyiaiji intas unyak ara.

Lukas 23:38

Eris aged nitasvitai an tas Crisi, im Roma, im Jutaia, um ati ijinies ithan, um ika, NATIMARID U NUPU JUTAIA INEIGKI.

Lukas 23:3

Is ahodai yin a Pailet, um ika, Na atimarid u nupu Jutaia aiek, ka o’o? Is tas ehelen aien, um ika, Na mun asaig aiek.

Joanes 5:23

mika eri eccen vai Inhal o un natimi asega, et idivaig era eccen vai Etmak ara. Aien et eti eccen vai Inhal o un aien, et eti eccen aien vai Etman is abrai yin aien.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Lukas 19:38

um ika, Naaurineig vai Natimarid ineig et ham aien an nidai Ihova: et eteuc neigpa an nohatag, im nimyiahpas an nuarin ijinies acen.

Lukas 2:11

eh mun apos Natimi imyiatamaig caua, an nadiat ineigki an nuarin-pece o Tevit, et Kristo aien Natimarid:

Joanes 9:38

Is ika aien, Ak Natimarid, ek asgeig iram ainyak. Is atpuse an nuhup o un aien.

Joanes 19:19

Is aged intas vai yin a Pailet, um ati an nauincai atgeig. Is aged intas ineigki aien, um ika, IESU NUP AN NASARED, NATIMARID U NUPU JUTAIA.

Joanes 12:13

eris leucse neri eaig ara, um apan, um aubillid yin, um ahlaig ijinies, um ika, Hosana! Naaurineig vai Natimarid u nupu Isreel, et ham aien an nidai Ihova!

Madius 27:11

Is um atidai a Iesu an nuhup o natimarid: is ahodai yin a natimarid, um ika, Na Atimarid u nupu Jutaia aiek, ka o’o? Is ika ehelen a Iesu, Na mun asaig aiek.

Joanes 20:28

Is tas a Tomas, um ika ehelen, Ak Natimarid unyak, im lep Atua unyak.

Madius 21:5

“Akumu ika aijaua ehele inhalav atahaig o Saion, Et apan ehelum a Natimarid unyum, et erop nedo o un, et ateuc an nifo aien, im lep inhakli nifo inhal o un.”

Madius 2:3

Is wat atahaijeg a Herot natimarid, is ehioehio inliinmopon aien, im lep nupu Jerusalem asega.