Madius 16:1 - Intas-Etipup Mat u Iesu Kristo 1863 (Aneityum Gospels)

¹ Eris ahtag pan ehelen a ilpu Farisi im lep ilpu Satusi, um oop yin, um ugni yin mika yi ehvaig ehele ra nitai asjaaicnaig an nohatag aien.

Madius 16:1 Referans Kwoze

Lukas 11:16

Eris lep oop yin nahaiji ra, um ugni yin va nitai asjaaicnaig an nohatag.

Madius 16:6

Is ika ehele ra a Iesu, Aminjinai caua aijaua, um jim leh leven o ilpu Farisi im ilpu Satusi.

Joanes 8:6

Eris asan tas ineigki ara par oop yin, mika eri asan tas has vai yin. Ja is atpuse a Iesu um ahgesahges an nobohtan an nupsikman.

Lukas 20:27

Eris apan ehelen nahaiji ilpu Satusi, atimi iji eigki eris ika ara eri eti lep anusjai atimi emesmas; eris ahodai yin ara,

Lukas 20:23

Ja is ato nefaifa ura aien, um ika ehele ra, Eka auri aijaua par oop nyak?

Lukas 10:25

Is atidai a natimi asuptecnaig intas alep is ethi, um oop yin, um ika, Ak Natimi esege, inki ago inhe ainyak va ekpu leh nitai umoh iran ineig inyi ti lep ti?

Madius 27:62

Is wat lep lahlah an tak apnyin, an nadiat epitpitac nadiat imyecrei itai iran, eris asjapicnaig pan ehele Pailet a ilpu atimi ahlap esjilid im ilpu Farisi,

Madius 23:2

um ika, Era ateuc an nitai ateuc o Moses a ilpu atimi esege im ilpu Farisi:

Madius 22:23

An nadiat iyehki eris apan ehelen a ilpu Satusi, atimi iji eigki era ika ara eri eti lep anusjai atimi emesmas, eris ahodai yin ara,

Madius 22:18

Ja is ato nauatatimi ura a Iesu, um ika, Eka auri aijaua, ak ilpu atimi efaifa, par oop nyak?

Madius 22:15

Eris apan a ilpu Farisi, um tas jipe, mika eri tasehlek tas o un ara.

Madius 19:3

Eris lep ahtag pan ehelen a ilpu Farisi, um oop yin, um ika ehelen, Et itaup vaig tah natimi nabrai ehgan vaig va nedo asega, ka o’o?

Madius 15:1

Eris ahes Jerusalem a ilpu atimi esege im ilpu Farisi, um apan ehele Iesu, um ika,

Madius 12:14

Eris um alau ijo a ilpu Farisi, um tas alep vai yin, mika eri atgei yin.

Madius 9:11

Eris wat almoi a ilpu Farisi, eris ika ara ehele ilpu atimi atahaijeg yin, Et auri a Natimi esege unyimia par ehrihag aien im ilpu atimi akwanaham im ilpu atimi auatatimi?

Madius 5:20

Ek asaig ehelemia ainyak mika, El et eti esjilid nedo atoh unyimia irai edo atoh o ilpu atimi esege im ilpu Farisi, aki idim eti apan aijaua an nelcau an nohatag.