Madius 11:5 - Intas-Etipup Mat u Iesu Kristo 1863 (Aneityum Gospels)

⁵ Et lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi aleprose, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Madius 11:5 Referans Kwoze

Lukas 4:18

“Et amen ehelek a Nesgai Ihova; is ati nyak aien mika ki asuptecnaig intas-upene ainyak ehele ilpu ihki atimi; is abrai nyak aien mika ki ago cehcehe ainyak ilpu atimi emehe inliinmopura, um lep asuptecnaig natceijaivaig ilpu atimi eris tup leucse ra, um ago lah nesganimtai ilpu atimi aupat nesganimtara, um ahiyi ilpu atimi ohocred,

Madius 21:14

Eris apan ehelen anliin neom ahlap a ilpu atimi aupat nesganimtara, im ilpu atimi asvahteuc neduora; is ago cehcehe ra aien.

Joanes 10:38

ja el ek ago ainyak, el eka eti eteuc an tas unyak aijaua, akumu imyiisjis ninivaijec niji auritai unyak aijaua: mika aki ato aijaua, um imyiisjis ninivaijec, nikavaig, et amen ehelek a Etmak, um lep amen ehelen ainyak.

Joanes 10:25

Is um ika ehele ra a Iesu, Ek mun asuptecnaig ehelemia ainyak, ja eka imyiisjis nahcil aijaua: et asuptecnai nyak niji auritai iji eigki ek ago ainyak an nidai Etmak.

Joanes 5:36

Ja et eteuc nasuptecnaig nyak et esjilid irai Joanes: nauritai iji eigki is asaig ehelek a Etmak mika ki ago ehni ainyak, ek ago nauritai iji eigki ainyak par asuptecnaig nyak, mika is abrai nyak a Etmak.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Joanes 2:23

Is wat amen Jerusalem aien u napaska, an nadiat asjapicnaig, eris wat almoi niji auritai ehka o un natimi is ahinag, eris imyiisjis ninivaijec yin ara.

Madius 10:8

Ago cehcehe ilpu atimi emehe aijaua, um ago adicinadicin ilpu atimi lepros, um imyianusjai ilpu atimi emesmas, um ahlo ilpu agelo has: akis tup leh aijaua, um tup ahtai:

Madius 9:30

Is um asalgei nesganimtarau arau; is idim acaiji rau a Iesu, um ika, Jim asuptecnaig ehelen tah.

Madius 5:3

Era mun ahesmoij ara et ipjidipjid inliinmopura ara: et ura nelcau an nohatag.

Madius 11:4

Is tas a Iesu, um ika ehele rau, Apan aijaurau um asuptecnaig ehele Joanes nitai iji eigki erau atahaijeg aijaurau um almoi:

Madius 12:13

Is um ika aien ehele natimi iyehki, Atgeig yapidi nikmam aiek. Is um atgeig yapidi nikman aien; is um upene nikman, um idivaig nahaijin nikman.

Joanes 9:7

um ika ehelen, Apan aiek, um ereuc an netpen Siloam, (nesgan tas iran, Nimtan wai). Is apan aien um ereuc, um alum itai, ja par lep apan.