Madius 11:12 - Intas-Etipup Mat u Iesu Kristo 1863 (Aneityum Gospels)

¹² Eris miakaikai emda nelcau an nohatag an naopan iyehki is ehcohos pam a Joanes Natimi baptiso, um imyihum pam naopan ineig, era miakaikai a ilpu atimi emda.

Madius 11:12 Referans Kwoze

Lukas 16:16

Is amen intas alep is aged a Moses im intas eris aged a ilpu profeta um yetpan irai Joanes: eris atupun an naopan iyehki um asuptecnaig nelcau o Atua, era miakaikai emda iran natimi asega.

Lukas 13:24

Akumu eriss emda aijaua an neucse nirahed ehroehro: ek asaig ehelemia ainyak mika, erupu merit atimi inyi ahinag mika eri atga iran, ja inyi ehka vai ra;

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Madius 3:15

Is tas a Iesu, um ika ehelen, Jim imyiisjis aiek an naopan ineig: eris idim ika ti imyiaiji intas alep asega akaija. Is eti lep imyiisjis aien.

Madius 11:11

Et inivaijec ineig ek asaig ehelemia ainyak mika, Is eti eteuc tah ira atimi iji eigki eris apos ra a risira nesjilidvaig irai Joanes Natimi baptiso: ja et esjilid iran aien et upoupo aien an nelcau an nohatag.

Madius 11:13

Is amen intas alep is aged a Moses im ilpu profeta asega, um esege um yetpan irai Joanes.

Joanes 5:4

Is asuol an netpen a nagelo an tah naopan um elucai an wai: aien is upyi hup aien um asuol, is wat ahcatina inwai, is edoaijaig iran nemehe o un.