Madius 10:2 - Intas-Etipup Mat u Iesu Kristo 1863 (Aneityum Gospels)

² Nidai ilpu apostolo is twelv iji eigki; Is uhup a Saimona, tak idan Pitrus, im Antrius etoan; im Jakobus inhal o Sebetaius, im Joanes etoan;

Madius 10:2 Referans Kwoze

Madius 4:21

Is ahes eahki aien um atga, um lep ecet inraimu is ero is eche, Jakobus inhal o Sebetaius im Joanes etoan, erus amen arau ehele Sebetaius etmarau an nelcau um uhpuri opoig ura; is ahlaig vai rau aien.

Joanes 12:22

Is apan a Filipus um asuptecnaig ehele Antrius: erus han asuptecnaig ehele Iesu a Antrius im Filipus.

Joanes 6:8

Is ika ehelen a natimi atahaijeg yin is ethi, Antrius, etoai Saimona Pitrus,

Lukas 5:10

im lep Jakobus im Joanes ohwat hal o Sebetaius, erus atau imi Saimona arau. Is ika ehele Saimona a Iesu, Jim imtitaig aiek; napu leucse atimi aiek um imyihum pan.

Madius 4:18

Is atga a Iesu u injop Calili um ecet inraimu is ero, Saimona tak idan Pitrus, im Antrius etoan, erus anah an nopoig arau: erus atimi ahilek mu arau.

Lukas 11:49

Is lep ika a Atua arapakau, Ekpu abraig pan ilpu profeta ehele ra ainyak im ilpu apostolo, erupu atgei ilpu ahaiji ra ara, um atmas vai ilpu ahaiji ra:

Joanes 21:24

Et asuptecnaig nitai iji eigki a natimi atahaijeg Iesu iyehki, um lep aged nitai iji eigki: ecra ato aijama nikavaig, et inivaijec nasuptecnaig o un.

Joanes 21:20

Is ahidai yin a Pitrus, um alum natimi atahaijeg Iesu iyehki, is aiyu inliinmopon aien vai yin, napitac yin vaig; aien aigki is asgeig an ritin aien u inhag iyehki, um lep ika, Ak Natimarid, etpu aniv euc a di?

Joanes 21:2

Eris amen an nuarin is ethi a Saimona Pitrus, im Tomas, tak idan Titimus, im Nadanyel nupu Kena an pece Calili, im ohwat hal o Sebetaius, im lep natimi atahaijeg yin is ero is eche.

Joanes 20:2

Is athut aien, um apan ehele Saimona Pitrus, im lep ehele natimi atahaijeg Iesu is ethi, aien is aiyu inliinmopon aien vai yin, um ika ehele rau, Eris atipagki Natimarid anliin mun nij ara, ja ecra eti ato aijama inuarin ineig eris ati yin iran.

Joanes 13:23

Is asgeig an riti Iesu natimi atahaijeg yin is ethi, is aiyu inliinmopoi Iesu vai yin.

Lukas 22:14

Is wat yetpan nuarin-nadiat iyehki, is ehrateucse aien, im lep ilpu apostolo o un is twelv.

Lukas 22:8

is abrai Pitrus aien im Joanes, um ika, Apan aijaurau um imyecrei napaska vai caija, mika ti caig akaija.

Lukas 9:10

Eris wat adumoij pan ehelen a ilpu apostolo, eris asuptecnaig ehelen ara niji itai asega iji eigki eris ago ara. Is imyiacaij ra aien, eris apan ara an namasacen is ethi an nuarin-pece is ethi, nidan Bedseta, jam ateri.

Madius 26:37

Is leh Pitrus aien im ohwat hal o Sebetaius, is esjilid intaigtaig o un im nohocred.

Madius 20:20

Is apan ehelen a risi ohwat hal o Sebetaius, im ohwat halav atamaig o un, um atpuse an nuhup o un, um ugni nitai is ethi ehelen.

Madius 17:1

Is wat ti pan itac nadiat is siks is leh Pitrus, im Jakobus, im Joanes etoan, a Iesu, um echim imyiapan ehtaij ache an nedoon ijinies is ethi;

Joanes 6:67

Is um ika a Iesu ehele natimi is twelv, Eka lep merit aijaua nadumoijvaig, ka o’o?

Joanes 6:70

Is um ika ehele ra a Iesu, Kis ehtai caua ainyak, eka twelv aijaua; ja et idivai tiapolo tah et ethi iramia.

Joanes 6:71

Is tas vai Jutas nupu Karyot aien, inhal o Saimona: aien aigki, is ika aien etpu aniv yin, is lep ethi aien ira atimi is twelv.