Lukas 9:56 - Intas-Etipup Mat u Iesu Kristo 1863 (Aneityum Gospels)

⁵⁶ et eti ham a Inhal o natimi mika yi auahas atimi, ja et ham aien mika yi imyiatamaig ra. Eris apan ara an nuarin-pece is eche.

Lukas 9:56 Referans Kwoze

Madius 20:28

et idivaig Inhal o natimi; is eti ham aien mika eri aheca o un natimi, ja par aheca ura aien, um ahtai nitai umoh iran o un nimtan va atimi et ahinag.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 10:10

Et idim apan natimi ehneg itai mika yi ehneg itai, um atgei atmas, um auahas itai: kis ham ainyak mika eri umumoh ara, yi lep esjilid acen numumoh ura.

Lukas 19:10

et ham a Inhal o natimi mika yi ahilek ilpu atimi ahnag, um imyiatamaig ra.

Madius 18:10

Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nohatag a ilpu agelo ura irai iji adiat an nohatag.

Joanes 12:47

El et atahaijeg niji tas unyak tah natimi, jam eti eteuc iran, inki ti aru nedo o un ainyak: kis eti ham ainyak mika ki aru nedo o atimi, jam imyiatamaig ra ache:

Lukas 23:34

Is ika a Iesu, Ak Etmak, jim aru nedo has ura aiek; era eti ato ara nitai ineig era ago ara. Eris ahai apelumai o un ara irai itai asjaaicnaig.

Lukas 22:51

Is tas a Iesu, um ika, Akumu eropropse aijaua. Is atcei pan intikgan aien; is um lep ahtag.

Madius 5:39

ja ek asaig ehelemia ainyak mika, Uhu wit ago nedo has vai caua, akumu jim aru aijaua: et wit ahpoi nahpam inmatam tah, anum ahidaig pan nahaijin nahpam aiek ehelen.

Lukas 9:55

Ja is ahidai yin aien, um acaiji rau, um ika, Erau eti ato nedo o inliinmopomirau aijaurau:

Lukas 9:57

Eris wat atga ura ara, is ika ehelen natimi is ethi an nefalaig, Ak Natimarid, ki ahced euc ainyak um apan irai uarin iji eigki asega an han iran aiek.

Madius 18:11

Is ham a Inhal o natimi mika yi imyiatamaig ra er auahas ra.