Lukas 8:15 - Intas-Etipup Mat u Iesu Kristo 1863 (Aneityum Gospels)

¹⁵ Nupsi itai an nobohtan upene et idivai ra era atahaijeg intas ara, um apos anliinmopura inivaijec um upene, era ohoai itai ara, um eti auatialidi.

Lukas 8:15 Referans Kwoze

Lukas 6:45

Et leh nitai upene a natimi upene ira aga upene anliinmopon; ja et leh nitai has a natimi auatatimi ira aga has anliinmopon: et asuptecnaig an nipjineucsen natimi nitai iji eigki et amen alupas anliinmopon.

Joanes 14:15

El et aiyu inliinmopomia aijaua vai nyak, akumu imyiaiji niji tas alep unyak aijaua.

Lukas 11:28

Is ika aien, Maiya, ja era mun idim ahesmoij ara era atahaijeg intas o Atua ara, um imyiaiji.

Joanes 15:10

El eka imyiaiji niji tas alep unyak aijaua, etpu amen naiyu u inliinmopok ainyak vai caua; et idivaig kis imyiaiji niji tas alep o Etmak ainyak, et lep amen naiyu u inliinmopon aien vai nyak.

Madius 24:13

Aien inyi ti adumoij aien, uhpu imyiatamaig yin.

Lukas 8:14

Nupsi itai ineig is elel irai efelelicai has et idivai ra, era atahaijeg intas ara, um atga ura, ja et atgei ra naktaktai inpadiaig ura im nedo imyiacitak an naopan ineig, era eti ohoai itai upene ara.

Lukas 8:16

Et wat atni incop alahala tah natimi, et eti adahpoi aien an nipjinitai, um eti atise ithan tinan; et atijai aien an nitai ati incop alahala iran, mika yi lah vai ra era apan anliin neom ara.