Lukas 7:34 - Intas-Etipup Mat u Iesu Kristo 1863 (Aneityum Gospels)

³⁴ Et mun ham a Inhal o natimi, um hag um umwig; ja eka ika aijaua, Almoi natimi ineigki, et hag alupas aien, um umnyi waina, et etoai ilpu atimi akwanaham aien, im ilpu atimi auatatimi!

Lukas 7:34 Referans Kwoze

Lukas 15:2

Eris tas upoupo a ilpu Farisi im ilpu atimi esege, um ika, Et aiheuc vai ilpu atimi auatatimi natimi ineigki, um hag ehele ra.

Joanes 12:2

Eris ago nitai caig incan ara eahki an jupura; is aheca ura a Marda: is atimi is ethi a Lasarus ira ra eris ateuc ehelen ara um hag.

Lukas 19:7

Eris wat almoi ara, eris tas upoupo ara asega, um ika, Et apan aien alaig ehele natimi auatatimi.

Lukas 14:1

An nadiat atumop is ethi is apan aien anliin neom o natimi alupas is ethi is Farisi aien mika yi hag, eris imyiiris nedo o un ara.

Lukas 7:36

Is imyiacaij yin a Farisi is ethi mika yi apan aien um hag ehelen. Is apan aien anliiu neom o Farisi iyehki, um ateuc um hag.

Lukas 5:29

Is auanetha alupas vai yin a Livai anliin neom o un: eris ateuc ehele ra a ilpu atimi akwanaham im lep tak atimi, is ahinag ara.

Madius 9:11

Eris wat almoi a ilpu Farisi, eris ika ara ehele ilpu atimi atahaijeg yin, Et auri a Natimi esege unyimia par ehrihag aien im ilpu atimi akwanaham im ilpu atimi auatatimi?

Joanes 2:2

eris imyiacaij Iesu im lep ilpu atimi atahaijeg yin mika eri apan ara u netha an natmehgan.

Lukas 11:37

Is wat tas aien, is imyiacaij yin a Farisi is ethi, mika yi apan um hag ehelen; is apan aien anliin neom o un, um ateucse, um hag.

Madius 5:46

El eka aiheuc vai ra ache aijaua, era aiheuc vai caua ara, akupu leh inhe aijaua? era ago nedo ineigki a ilpu atimi akwanaham.

Madius 11:19

Is wat ham a Inhal o natimi, is hag aien um umwig, ja eris ika ara, Almoi natimi ineigki et hag alupas aien, um umni waina, et etoai ilpu atimi akwanaham aien im ilpu atimi auatatimi. Ja era ika a ilpu atimi arapakau, Et idim upene narapakau.

Lukas 7:33

Is ham a Joanes Natimi baptiso um eti caig nitai caig aien, um eti umnyi waina; ja eka ika aijaua, Et amen iran a nagelo has.

Lukas 7:35

Ja era ika a ilpu atimi arapakau asega, Et idim upene narapakau.