Lukas 7:16 - Intas-Etipup Mat u Iesu Kristo 1863 (Aneityum Gospels)

¹⁶ Eris imtitaig ara asega: eris imyiahpas Atua ara, um ika, Et mun atidai eheleija naprofeta esjilid et ethi; um lep ika, Et mun ateghe ilpu atimi o un a Atua.

Lukas 7:16 Referans Kwoze

Lukas 7:39

Is wat ecetai a Farisi iyehki is imyiacaij yin aien, is aktaktai inliinmopon aien, um ika, El et aprofeta natimi ineigki, el et mun ato intakata ineigki aien et atcei pan yin aien, im nedo o un; et takata auatatimi aien.

Madius 9:8

Eris wat almoi natimi is ahinag, eris imyiali ara, um imyiahpas Atua va nedo o un, nikavaig, is ati nemda ineigki aien ehele atimi.

Lukas 1:68

NAAURINEIG vai Ihova Atua o nupu Isreel; et mun ateghe ilpu atimi o un aien, um imyiatamai ra,

Lukas 5:26

Eris imyiali ara asega, um imyiahpas Atua; eris imtitaig alupas ara, um ika, Inta mun almoi niji itai imyiali akaija an nadiat ineigki.

Lukas 2:20

Eris atga ura a ilpu atimi asgi siip, um naaurineig vai Atua, um imyiahpas yin, va nitai iji eigki asega eris atahaijeg ara um almoi, et idivaig eris asaig ehele ra.

Lukas 1:65

Eris imtitaig atimi asega eris amen ubutpotet ehele ra ara: is apaahni intas va nitai iji eigki irai lola edoon asega an pece Jutaia.

Madius 21:11

Eris um ika natimi is ahinag, Iesu neigki, naprofeta an Nasared an pece Calili.

Madius 15:31

Eris imyiali natimi is ahinag, eris wat alum ilpu atimi pop ara intasvaig, im ilpu atimi ighin nupenevaig nohura, im ilpu atimi asvahteuc neduora natgavaig, im ilpu atimi aupat nesgaimtara nalum itai vaig: eris um imyiahpas Atua o nupu Isreel ara.

Joanes 9:17

Eris lep ika ara ehele natimi iyehki is aupat nesganimtan, Na ikha aiek vai yin is asalgei nesganimtam aien? Is um ika aien, Et aprofeta aien.

Joanes 6:14

Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 4:19

Is um ika ehelen a intakata iyehki, Ak natimi alupas, ek ato ainyak, nikavaig, na aprofeta aiek:

Joanes 1:25

Eris ahodai yin ara, um ika ehelen, El et eti Kristo aiek, ka Elaija, ka naprofeta iyehki, na auri aiek par baptiso ira atimi?

Joanes 1:21

Eris lep ahodai yin ara, um ika, Aiek di aigki? Na Elaija aiek, ka o’o? Is um ika aien, O’o. Eris um ika ara, Na aprofeta iyehki aiek, ka o’o? Is um ika aien, O’o.

Lukas 24:19

Is ika aien ehele rau, Nevitai? Erus ika ehelen arau, Nitai iji eigki vai Iesu nup an Nasared, is aprofeta aien, is esjilid nedo o un im intas o un an nuhup o Atua im lep atimi asega:

Lukas 9:19

Eris tas ara, um ika, Nai Joanes aiek Natimi baptiso; um lep ika nahaiji ra, Elaija; um lep ika nahaiji ra, Et mun lep nusjai tah et ethi irai ilpu profeta itu acen.

Lukas 8:37

Eris ugni yin a nupu Catara asega mika yi atga o un aien, um ude ra; eris imtitaig alupas ara: is aridjai an nelcau aien, um adumoij pan.

Lukas 5:8

Is wat almoi a Saimona Pitrus, is atpuse aien u niji neduei Iesu, um ika, Ude nyak aiek; ek atimi auatatimi ainyak, ak Natimarid.

Madius 28:8

Erus ahes o unmun nij arau, um auroauro um atga urau, erus imtitaig arau um imyiacitak alupas; erus athut arau um apan par asuptecnaig ehele ilpu atimi atahaijeg yin.

Lukas 19:44

erupu alcapdicraig euc ara, im lep natimi iram; inyi eti amen inhat inyi ethi irai taka hat; va nitai ineig, nikavaig, as eti ato naopan ateghe euc unyak aiek.

Lukas 7:15

Is um atidai natimi mas iyehki, um tas. Is ati yin aien ehele risin.