Lukas 6:35 - Intas-Etipup Mat u Iesu Kristo 1863 (Aneityum Gospels)

³⁵ Akumu aiheuc vai ra aijaua era tak atimi iramia ara, um ago nedo upene vai ra, um alupai ra itai, um jim aktaktai neruvaig; etpu esjilid nimtan imi caua, akupu ilpu hal o un aijaua Et esjilid aien: et ago nedo upene aien vai ra sji ehki era eti aktaktai nedo upene o un ara, im lep vai ilpu atimi auatatimi.

Lukas 6:35 Referans Kwoze

Joanes 13:35

va erupu ato natimi asega, nikavaig, eka ilpu atimi atahaijeg nyak aijaua, an naiyu jipe vaig inliinmopomia aijaua vai caua.

Joanes 15:8

Aku wit ohou aijaua um ahinag nohoamia, uhpu imyiahpas Etmak; akupu lep ilpu atimi atahaijeg nyak aijaua.

Lukas 1:32

etpu esjilid aien, uhpu anvi nidan par ika Inhal o un Et esjilid aien: etpu ati imi yin a Ihova Atua dorona o etpon Tevit:

Madius 5:9

Era mun ahesmoij ara era asa neigpa ara: uhpu anvi nidara par ika ilpu hal o Atua.

Lukas 6:36

Akumu aiheuc va atimi aijaua, um idivaig Etmamia, et tup aiheuc va atimi aien.