Lukas 6:22 - Intas-Etipup Mat u Iesu Kristo 1863 (Aneityum Gospels)

²² Eka mun ahesmoij aijaua eru wit edemda vai caua atimi, um ahlo caua, um atuh caua, um ethaig pan nidamia et idivaig nitai has, vai Inhal o natimi.

Lukas 6:22 Referans Kwoze

Madius 10:22

erupu amcel vai caua natimi asega vai nyak: aien inyi eti adumoij aien uhpu imyiatamaig yin.

Joanes 16:2

Erupu ahlo caua ara irai eom alaigaheni ura: etpu lep yetpam naopan iyehki eru wit atgei caua atimi, um aktaktai mika er ago nauritai o Atua.

Joanes 7:7

et ehka va atimi namcel vai caua vaig; ja era amcel vai nyak ara, va nedo unyak, nikavaig, ek acaiji nedo has ura ainyak:

Joanes 12:42

Ja eris imyiisjis ninivaijec vai yin a ilpu atimi alupas an pece is ahinag; ja eris eti asuptecnai yin ara vai ilpu Farisi, va eri jim ahlo ra ara irai eom alaigaheni ura:

Joanes 17:14

Kis alupai ra intas unyum ainyak; era amcel vai ra natimi an nobohtan, va nitai ineig, nikavaig, era eti atimi an nobohtan ara, et idivai nyak, ek eti atimi an nobohtan ainyak.

Lukas 21:17

Erupu amcel vai caua atimi asega va nidak.

Madius 10:39

Aien et imyicoho yin aien, inyi mas aien: aien inyi mas aien vai nyak, etpu leh nitai umoh iran aien.

Joanes 9:34

Eris tas ara, um ika ehelen, As atimi auatatimi aiek an naopan iyehki eris apos euc, na auri aiek par esege imi cama? Eris atipagki yin ara.

Lukas 20:15

Eris ethaig pan itac yin ara an nekaro vaine, um atgei yin. Etpu ago inhe ira ra a natimi alupas ohuun nekaro vaine?

Madius 10:18

uhpu imyiapan caua an nuhup o ilpu atimi alupas im ilpu atimarid vai nyak, nitai asuptecnaig imi ra im lep imi nup urai iji pece.

Lukas 6:21

Eka mun ahesmoij aijaua et ehtele caua aijaua an naopan ineig: akupu gaije aijaua. Eka mun ahesmoij aijaua eka ehteigtaig aijaua an naopan ineig: akupu imyiacitak aijaua.