Lukas 5:30 - Intas-Etipup Mat u Iesu Kristo 1863 (Aneityum Gospels)

³⁰ Eris tas upoupo a ilpu atimi esege im ilpu Farisi vai ilpu atimi atahaijeg yin, um ika, Eka auri aijaua par ehrihag um umwig aijaua im ilpu atimi akwanaham im ilpu atimi auatatimi?

Lukas 5:30 Referans Kwoze

Lukas 19:7

Eris wat almoi ara, eris tas upoupo ara asega, um ika, Et apan aien alaig ehele natimi auatatimi.

Lukas 5:21

Eris aktaktai a ilpu atimi esege, im ilpu Farisi, um ika, Di neigki et asan tas has esjilid aien? et emda ache a Atua par iknipagki nedo has.

Lukas 5:17

IS wat esege aien an nadiat is ethi, eris ateuc eahki a ilpu Farisi im ilpu atimi esege intas alep, eris ahes irai iji uari-pece asega Calili, im Jutaia, im Jerusalem: is ago cehcehe atimi emehe a Natimarid an nemda o un.

Lukas 18:11

Is aiji a Farisi, um echim alaigaheni, um ika, Ak Atua, ek naaurineig vai euc ainyak, ek eti idivaig tak atimi ainyak, ilpu atimi atoraliak itai, im ilpu atimi auatatimi, im ilpu atimi ago ingaijid, im lep natimi akwanaham ineigki:

Lukas 7:39

Is wat ecetai a Farisi iyehki is imyiacaij yin aien, is aktaktai inliinmopon aien, um ika, El et aprofeta natimi ineigki, el et mun ato intakata ineigki aien et atcei pan yin aien, im nedo o un; et takata auatatimi aien.

Lukas 7:34

Et mun ham a Inhal o natimi, um hag um umwig; ja eka ika aijaua, Almoi natimi ineigki, et hag alupas aien, um umnyi waina, et etoai ilpu atimi akwanaham aien, im ilpu atimi auatatimi!

Madius 5:46

El eka aiheuc vai ra ache aijaua, era aiheuc vai caua ara, akupu leh inhe aijaua? era ago nedo ineigki a ilpu atimi akwanaham.

Madius 9:11

Eris wat almoi a ilpu Farisi, eris ika ara ehele ilpu atimi atahaijeg yin, Et auri a Natimi esege unyimia par ehrihag aien im ilpu atimi akwanaham im ilpu atimi auatatimi?