Lukas 24:27 - Intas-Etipup Mat u Iesu Kristo 1863 (Aneityum Gospels)

²⁷ Is atupun aien um asuptecnaig ehele rau intas asega vai yin is aged a Moses im ilpu profeta asega.

Lukas 24:27 Referans Kwoze

Lukas 24:44

Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Joanes 5:39

Eka ahilek an tas eris aged aijaua; eka aktaktai aijaua mika aki leh iran nitai umoh iran ineig inyi ti lep ti: et idim asuptecnaig nyak intas ineigki.

Joanes 1:45

Is ecet Nadanyel a Filipus, um ika ehelen, Ecra mun ecet Iesu nup an Nasared aijama inhal o Josef, aien aigki is aged intas vai yin a Moses an tas alep, im lep ilpu profeta.

Lukas 24:25

Is ika ehele rau aien, Ak ohwat atimi ahnag, et auatialidi inliinmopomirau aijaurau par imyiisjis ninivaijec intas asega eris asaig a ilpu profeta:

Joanes 5:37

Is abrai nyak a Etmak, um lep asuptecnaig nyak. Akis eti atahaijeg nohran aijaua an tah naopan, um eti almoi nehcohos o un.

Joanes 12:41

Is asan tas iji eigki a Aiseya, is wat almoi natimi alupas o un aien, um tas vai yin.