Lukas 22:19 - Intas-Etipup Mat u Iesu Kristo 1863 (Aneityum Gospels)

¹⁹ Is leh nareto aien, um naaurineig iran, um aswaplec, um alaa ra, um ika, Nohuk ineigki eris ahtai vai caua: ago nedo ineigki aijaua par imyiehva nyak.

Lukas 22:19 Referans Kwoze

Lukas 22:20

Eris wat caig ara, is lep leh nipjinitai aien, um ika, Nipjinitai ineigki, et idivaig intas-etipup mat vai inja irak, eh mun atladwi vai caua.

Joanes 6:51

Ek itai caig umoh ainyak, is ahes an nohatag um asuol: aien et caig nitai caig ineigki aien, inyi umoh aien irai iji mesese: nitai caig ineigki ekpu alaa atimi ainyak nohuk, ekpu ahtai nohuk ainyak mika eri umumoh natimi an nobohtan.

Lukas 24:30

Is wat ateuc ehele rau aien um hag, is leh nareto aien, um naaurineig iran, um aswaplec, um alaa rau.

Madius 14:19

Is ika aien ehele atimi asjapicnaig, eri ateucse ara irai efelelicai, is leh nareto is faiv aien, im numu is ero, um easji pan an nohatag, um naaurineig, um iswoplecoplec, um alupai ilpu atimi atahaijeg yin nareto iji ehki, eris edaig ira atimi iji ehki a ilpu atimi atahaijeg yin.

Joanes 6:23

(ja eris ahes Taibiryas niji alvelcau is eche ubutpotet u nuarin iyehki is naaurineig iran Natimarid, ja eris par hag ara:)

Lukas 22:17

Is leh nipjinitai aien, um naaurineig iran, um ika, Leh ineigki aijaua um edaig jipe iramia:

Madius 15:36

Is leh nareto is seven aien im numu, um naaurineig, um iswoplecoplec, um alupai ilpu atimi atahaijeg yin, eris um alaa atimi is ahinag a ilpu atimi atahaijeg yin.