Lukas 21:36 - Intas-Etipup Mat u Iesu Kristo 1863 (Aneityum Gospels)

³⁶ Akumu aiji aijaua, um alaigaheni, um jim atumop, va uhpu ika vai caua aki upene aijaua mika yi ti yetpam iramia tah nitai irai itai iji eigki eri yetpam; akupu lep atidai aijaua an nuhup u Inhal o natimi.

Lukas 21:36 Referans Kwoze

Madius 25:13

Va nedo ineigki akumu aminjinai caua aijaua; eka eti ato nadiat ineig aijaua im inuarin-nadiat ineig etpu yetpam iran a Inhal o natimi.

Madius 24:42

Akumu aminjinai caua aijaua; eka eti ato aijaua nuarin-nadiat ineig etpu yetpam a Natimarid unyimia.

Lukas 18:1

Is ecsipece ehele ra aien, va nitai ineigki, nikavaig, eris idim ika eri alaigaheni atimi irai iji adiat, um jim auatialidi;

Madius 26:41

Aiji aijautaij um alaigaheni, va ahtiji jim apan an nedo oop cautaij; et emda inliinmopomitaij aijautaij, ja et auatialidi nohumitaij.

Lukas 20:35

ara uhpu ika eri upene ara um apan an pece iyehki um anusjai, eri eti atmehgan ara, um eti asanlai:

Madius 8:20

Is ika ehelen a Iesu, Et eteuc inhelhel o kuri aleg, im lep nasiom oi man; ja et ti nuarin asjeuc imi Inhal o natimi.

Madius 24:43

Ja eka ato aijaua, nikavaig, el is ato a natimi alupas an tah neom nuarin-nepeig ineig etpu han natimi ehneg itai, el is aiji aien, va yi jim ataijhan neom o un aien.

Madius 24:44

Va nedo ineigki akumu yecrei caua aijaua: etpu yetpam a Inhal o natimi an nuarin-nadiat ineig aki eti aktaktai aijaua.

Lukas 1:19

Is tas a nagelo, um ika ehelen, Ek Cebriel ainyak, um aiji an nuhup o Atua; eris abrai nyak mika ki tas ehelum ainyak, um asuptecnaig ehelum intas upene iji eigki:

Lukas 21:35

Etpu yetpam ira atimi asega amen an nobohtan asega, um idivaig nitai aprou itai.