Lukas 18:32 - Intas-Etipup Mat u Iesu Kristo 1863 (Aneityum Gospels)

³² Uhpu ati yin ehele nup urai taka pece, erupu imyiafakahcil yin ara, um abli yin, um agdei yin,

Lukas 18:32 Referans Kwoze

Lukas 23:11

Is ika a Herot im ilpu eucsupo o un et takitai aien, um imyiafakahcil yin, um aso yin an napelumai esjilid, um lep imyiapan yin ehele Pailet.

Madius 26:67

Eris agdei nesganimtan ara, um abli yin; eris lep ahpoi yin a ilpu ahaiji ra irai ikmara,

Madius 16:21

Is atupun a Iesu an naopan iyehki um asuptecnaig ehele ilpu atimi atahaijeg yin, um ika, Ek et hidim ika ainyak ki apan Jerusalem, etpu ahinag nohocred unyak vai ilpu atimi tas alep, im ilpu atimi ahlap esjilid, im ilpu atimi esege, erupu atgei nyak ara; ja et wit ti pan itac nadiat inyi eseij ekpu lep nusjai ainyak.

Joanes 18:35

Is um ika a Pailet, Ek eti upu Jutaia ainyak: era mun ati euc ehelek a nup uran pece unyum im ilpu atimi ahlap esjilid: as ago inhe aiek?

Joanes 18:30

Eris tas ara, um ika ehelen, El is eti ago nedo has aien, el ecra eti ati yin ehelum aijama.

Joanes 18:22

Is wat asan tas iji eigki a Iesu, is ahpoi yin an nikman tah irai ilpu aheca iji eig eris aiji ubutpotet, um ika, Na auri aiek par asan tas naico ehele natimi esjilid an nahlap?

Lukas 23:35

Eris aiji atimi um almoi. Eris imyiafakahcil yin ara, im lep ilpu atimi alupas, um ika, Is imyiatamaig tak atimi aien; el et Kristo aien natimi is ati yin a Atua, etmu imyiatamaig yin aien.

Lukas 23:1

ERIS atidai ara asega, eris ahinag ara, um imyiapan yin ehele Pailet.

Madius 27:2

eris arore yin ara, um imyiapan yin, um ati yin ehele Ponjus Pailet natimarid.

Joanes 18:28

Eris ahes ehele Keafas ara um imyiapan Iesu anliin nimnim tas alep iran: is ehuhialeg; eris eti apan ara anliin nimnim iyehki, va eri jim auahas nitaup ura, um eti ecaig napaska.

Madius 20:19

erupu ati yin ara ehele nup urai taka pece, mika eri imyiafakahcil yin ara, um aredei yin, um atgei yin an nauincai atgeig: ja et wit ti pan itac nadiat inyi eseij etpu lep nusjai aien.

Madius 22:6

eris arop irai ilpu aheca o un nahaiji ra, um abli ra, um atgei ra.

Lukas 18:33

um aredei yin, um atgei yin; ja et wit ti pan itac nadiat inyi eseij, etpu lep nusjai aien.

Joanes 18:32

va uhpu ehneijid intas iyehki, is upyi asaig a Iesu, par asuptecnaig nedo vai inmas o un.