Lukas 17:20 - Intas-Etipup Mat u Iesu Kristo 1863 (Aneityum Gospels)

²⁰ Eris ahodai yin a ilpu Farisi, um ika, Etpu yetpam nelcau o Atua an nahopan? Is tas ehele ra aien, um ika, Et ham nelcau o Atua, jam eti alum atimi:

Lukas 17:20 Referans Kwoze

Joanes 18:36

Is um ika a Iesu, Et eti elcau an nobohtan nelcau unyak: el et elcau an nobohtan nelcau unyak, el era ago nedoa a ilpu aheca unyak, mika eri jim ati nyak ehele nupu Jutaia: ja et eti ahes igcaki nelcau unyak.

Lukas 19:11

ERIS wat atahaijeg intas iji eigki ara, is lep ecsipece aien, va nitai ineig is ubutpotet Jerusalem aien, eris lep aktaktai ara mika yi auroauro um ehcohos pan nelcau o Atua.

Lukas 16:16

Is amen intas alep is aged a Moses im intas eris aged a ilpu profeta um yetpan irai Joanes: eris atupun an naopan iyehki um asuptecnaig nelcau o Atua, era miakaikai emda iran natimi asega.

Lukas 10:11

Ecra auha obohtan ineigki iramia aijama an nuarin-pece unyimia, et apol irama: ja akumu ato nitai ineigki aijaua, nikavaig, et mun yetpam ehelemia nelcau o Atua.

Lukas 14:1

An nadiat atumop is ethi is apan aien anliin neom o natimi alupas is ethi is Farisi aien mika yi hag, eris imyiiris nedo o un ara.