Lukas 16:24 - Intas-Etipup Mat u Iesu Kristo 1863 (Aneityum Gospels)

²⁴ Is ahlaig aien, um ika, Ak etmak Ebraham, aiheuc vai nyak aiek, um abrai Lasarus, mika yi atise nilpun nupsikman aien an wai, yi aheyuyu namak; et mun erekinman irak ainyak van cop alauma ineigki.

Lukas 16:24 Referans Kwoze

Joanes 4:10

Is tas a Iesu, um ika ehelen, El et ato nitai tup ahtai o Atua aiek, im lep yin et ika ehelum aien, Alumak tah inwai aiek; el et ugni yin aiek, el et par alumam inwai umoh aien.

Joanes 4:14

ja aien inyi umnyi inwai ineig aien ekpu aluman ainyak, inyi ti lep ahvig wai aien irai iji mesese; inwai ineigki ekpu aluman ainyak inyi imtanwai anliinmopon, um ahlau ohua sjai nitai umoh iran inyi ti lep ti.

Madius 25:41

Etpu ika ehele ra aien an moun, Atga unyimia aijaua, ak ilpu atimi ohocred, um apan an cop inyi ti lep opos, eris ago imi Tiapolo im ilpu agelo o un:

Lukas 16:30

Is ika aien, O’o, ak etmak Ebraham: el et ehcohos ehele ra tah natimi mas, erupu adumoij anliinmopura ara.

Lukas 3:8

akumu ohoai itai aijaua yi idivaig nadumoij u inliinmopomia: akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki:

Joanes 7:37

An nadiat apitac, nadiat esjilid an nasjapicnaig ura, is um atidai a Iesu um efehtas, um ika, El et ahvig wai tah natimi, etmu ham ehelek aien um umwig:

Madius 5:22

ja ek asaig ehelemia ainyak mika, Aien et tup edemda vai etoan aien, etpu leh neruvaig aien: aien et ika aien ehele etoan, Et takitai, uhpu tas alep vai yin: aien et ika aien ehele etoan, Ak natimi ahnag, uhpu ati yin an cop an pece has.

Madius 3:9

akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki:

Lukas 19:9

Is ika ehelen a Iesu, Et mun yetpam nitai imyiatamaig caua an nimnim ineigki an nadiat ineig, et idim mapoi Ebraham aien: