Lukas 13:15 - Intas-Etipup Mat u Iesu Kristo 1863 (Aneityum Gospels)

¹⁵ Is tas ehelen a Natimarid, um ika, Ak natimi efaifa, natimi ineig yek eda iramia, et eti ikni pan itac kurimatau o un aien ka nifo o un an nadiat atumop, um imyiapan ui wai?

Lukas 13:15 Referans Kwoze

Lukas 14:5

um tas ehele ra, um ika, Natimi ineig yek eda iramia, et wat etjose an nehpanitai nifo o un ka kurimatau o un, et eti aihiaigjai aien an nadiat atumop?

Madius 23:28

Et idim ucco et upene nedo unyimia aijaua an nuhup o atimi; ja et ohua nefaifa im niji itai has anliinmopomia aijaua.

Lukas 12:1

AN naopan iyehki eris asjapicnaig natimi is ahinag acen, um atamerit, is atupun aien um tas ehele ilpu atimi atahaijeg yin, um ika, Akumu upyi hup aijaua um aminjinaig caua vai leven o ilpu Farisi, et itai efaifa ineigki.

Lukas 6:42

Et ehka vai euc intasvaig ehele etoam, um ika, Ak etoak, ekmu atipagki nahrincai an nesganimtam ainyak, jam eti aktaktai inmasincai an nesganimtam: ak natimi efaifa, namu uhup aiek um atipagki inmasincai an nesganimtam, va apu almoi upene aiek par atipagki nahrincai an nesganimtai etoam.

Madius 23:13

Ja a’a, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka atapanes nelcau an nohatag va atimi aijaua: eka eti apan iran aijaua, eka lep acaiji ra aijaua era apan iran ara.

Madius 15:14

akumu ude ra aijaua: era aupat ara, um atau ira ra era aupat ara: el era atau irai ilpu atimi aupat nesganimtara a ilpu atimi aupat nesganimtara, erupu eropropse ara asega an nehpanitai.

Madius 15:7

Ak ilpu atimi efaifa, et inivaijec intas is upyi asaig vai caua a Aiseya, um ika,

Madius 7:5

ak natimi efaifa, namu uhup aiek um atipagki inmasincai an nesganimtam; va apu almoi upene aiek par atipagki nahrincai an nesganimtai etoam.

Lukas 7:13

Is wat alum yin a Natimarid, is aiheuc vai yin aien, um ika ehelen, Namu tinau aiek.

Lukas 7:19

Is ahlaig a Joanes vai ohwat atimi atahaijeg yin is ero, um abrai rau mika eru apan ehele Iesu, um ahodai yin, um ika, Na atimi iyehki aiek eris ika, Etpu ham aien, ka intupu aitgai yin akaija?