Lukas 10:21 - Intas-Etipup Mat u Iesu Kristo 1863 (Aneityum Gospels)

²¹ An nuarin-nadiat iyehki is imyiacitak inliinmopoi Iesu, um ika, Ek naaurineig vai euc ainyak, ak Etmak, Natimarid an nohatag im nobohtan, va nitai ineigki, nikavaig, as adenaig nitai iji eigki aiek vai ilpu atimi arapakau im ilpu atimi esjilid an nato itai, jam asuptecnaig ehele ilpu halav: maiya, ak Etmak; is idim ucco inliinmopom aiek.

Lukas 10:21 Referans Kwoze

Madius 21:16

um ika ehelen, Na atahaijeg aiek intas era asaig ara sji eigki, ka o’o? Is um ika ehele ra a Iesu, Maiya; akis idim esvi intas ineig aijaua, ka o’o, eris ika, “As ati nimyiahpas aiek an nipjineucse ilpu halav im ilpu hadi”?

Madius 16:17

Is tas a Iesu, um ika ehelen, Na mun ahesmoij aiek, ak Saimona, inhal o Jona: eris eti asuptecnaig ehelum natimi, jai Etmak an nohatag:

Lukas 15:9

et wat ecetai aien, et asjapicnaig ilpu etoan aien im ilpu atimi eblaamnem o un, um ika, Ti ehrimyiacitak nuari silver unyak akaija is etjo; ek mun ecetai ainyak.

Lukas 15:5

et wat ecetai aien, et ahelwei aien, um imyiacitak:

Joanes 11:41

Eris atipagki inhat ara an nuarin iyehki eris ati natimi mas iran. Is easji pan a Iesu, um ika, Ak Etmak, naaurineig, na mun atahaijeg nyak aiek:

Madius 3:7

Is alum ilpu Farisi is ahinag aien im ilpu Satusi napanvaig u nabaptiso o un, is um ika ehele ra aien, Ak ilpu imyiv, et mun ated caua a di, mika aki aha aijaua vai intayaitap etpu yetpam?