Lukas 1:76 - Intas-Etipup Mat u Iesu Kristo 1863 (Aneityum Gospels)

⁷⁶ Ak inhal unyak, uhpu anvi nidam par ika na profeta o un aiek Et esjilid aien: napu uhup aiek irai Natimarid, par ahped nefalaig vai yin;

Lukas 1:76 Referans Kwoze

Joanes 1:23

Is ika aien, Ek “ohran tah ainyak et ahlaig aien an namasacen, um ika, Akumu ago atoh nefalaig vai Ihova aijaua,” et idivaig is asaig a Aiseya naprofeta.

Madius 14:5

Is merit aien mika yi atgei Joanes, jam imtita atimi is ahinag; eris ika ara, Et aprofeta aien.

Madius 3:3

Aien aigki is tas vai yin a Aiseya naprofeta, um ika, “Nohran tah et ethi etpu ahlaig aien an namasacen, um ika, Akumu ahped nefalaig vai Ihova aijaua, um ago yi atoh efalaig vai yin.”

Lukas 1:35

Is tas a nagelo, um ika ehelen, Etpu yetpan iram a Nesgan Upene, etpu ahelmon euc nemda o un Et esjilid aien: uhpu anvi nidan nitai upene iyehki napu apos aiek, par ika Inhal o Atua;

Lukas 1:32

etpu esjilid aien, uhpu anvi nidan par ika Inhal o un Et esjilid aien: etpu ati imi yin a Ihova Atua dorona o etpon Tevit:

Joanes 3:28

Eka idim ato aijaua mika kis ika ainyak, Ek eti Kristo ainyak, ja eris abrai nyak mika ki uhup iran ainyak.

Joanes 1:27

aien aigki et apitac nyak aien, et idim esjilid irak aien, ek eti upene ainyak par ahiyi nehtit an cedpun neduon.

Lukas 6:35

Akumu aiheuc vai ra aijaua era tak atimi iramia ara, um ago nedo upene vai ra, um alupai ra itai, um jim aktaktai neruvaig; etpu esjilid nimtan imi caua, akupu ilpu hal o un aijaua Et esjilid aien: et ago nedo upene aien vai ra sji ehki era eti aktaktai nedo upene o un ara, im lep vai ilpu atimi auatatimi.

Madius 21:26

Ja el ta ika akaija, Is ahes ehele atimi; inta imtita atimi akaija; era ika atimi asega is idim aprofeta a Joanes.

Madius 3:11

ek idim baptiso iramia ainyak an wai mika aki adumoij anliinmopomia aijaua: ja aien inyi ham aien um apitac nyak inyi idim esjilid irak aien, ek eti upene ainyak par apos incedpun eduon: etpu baptiso iramia aien an Nesgan Upene im lep incop: