Joanes 9:22 - Intas-Etipup Mat u Iesu Kristo 1863 (Aneityum Gospels)

²² Erus asan tas iji eigki ahwat atmil o un va nimtitaig nupu Jutaia urau: eris upyi asan tas alep ineigki a nupu Jutaia, um ika, el et ika tah natimi, et Kristo aien, uhpu ahlo yin an neom alaigaheni ura.

Joanes 9:22 Referans Kwoze

Joanes 16:2

Erupu ahlo caua ara irai eom alaigaheni ura: etpu lep yetpam naopan iyehki eru wit atgei caua atimi, um aktaktai mika er ago nauritai o Atua.

Joanes 7:13

Ja is eti tas emda vai yin tah, eris imtitai upu Jutaia ara.

Lukas 6:22

Eka mun ahesmoij aijaua eru wit edemda vai caua atimi, um ahlo caua, um atuh caua, um ethaig pan nidamia et idivaig nitai has, vai Inhal o natimi.

Joanes 9:34

Eris tas ara, um ika ehelen, As atimi auatatimi aiek an naopan iyehki eris apos euc, na auri aiek par esege imi cama? Eris atipagki yin ara.

Joanes 20:19

An nadiat iyehki is wat jupura, nadiat uhup irai wiik, is ipjin intapanes an nuarin-neom iyehki eris asjapicnaig iran a ilpu atimi atahaijeg yin va nimtitai nupu Jutaia ura, is ehcohos pan a Iesu, um aiji an nuhup ura, um ika ehele ra, Etmu eteuc neigpa ehelemia.

Joanes 19:38

Is wat ti pan itac nitai iji eigki is ugni Pailet a Josef nupu Aramadia, mika yi leh nohui Iesu; is atimi atahaijeg Iesu aien, jam eti asaig va nimtitai nupu Jutaia o un: is ika a Pailet yi leh yin aien. Is apan aien, um leh nohui Iesu:

Joanes 1:19

INTAS o Joanes ineigki an naopan iyehki eris abrai ilpu atimi ahlap im ilpu mapoi Livai a nupu Jutaia mika eri ahes Jerusalem ara, um apan, um ahodai yin, um ika, Aiek di aigki?

Joanes 9:18

Ja eris eti imyiisjis ninivaijec vai yin a nupu Jutaia mika, is aupat nesganimtan aien, ja par lep lah; ja eris ahlaig vai ohwat atmil o natimi iyehki ara is lep lah nesganimtan,

Joanes 9:21

ja ecrau eti ato aijumrau nedo ineig et alum itai vaig aien an naopan ineig; ecrau eti lep ato aijumrau natimi ineig is asalgei nesganimtan aien: et eti halav aien; ahodai yin: etpu asuptecnaig aien.

Joanes 9:35

Is atahaijeg a Iesu, nikavaig, eris atipagki yin ara; is wat ecet yin aien, is ika ehelen aien, Na asgeig irai Inhal o Atua aiek, ka o’o?