Joanes 8:53 - Intas-Etipup Mat u Iesu Kristo 1863 (Aneityum Gospels)

⁵³ na esjilid aiek irai etpoija Ebraham is mas aien, ka o’o? eris lep emesmas a ilpu profeta: na ika aiek, aiek di aigki?

Joanes 8:53 Referans Kwoze

Joanes 4:12

na esjilid aiek irai Jekob etmaija, ka o’o? is alupai cama nehpan wai ineigki aien, is umwig iran aien, im ilpu hal o un, im kurimatau o un.

Joanes 19:7

Eris um ika ehelen a nupu Jutaia, Et eteuc intas alep unyima, et upene mika yi mas aien vai intas alep unyima va nedo o un, nikavaig, is ika aien, Ek Hal o Atua ainyak.

Joanes 12:34

Eris um ika ehelen atimi, Ecra ato aijama an tas alep er ika, etpu amen a Kristo irai iji mesese: na auri aiek par ika, Eris idim ika uhpu atijai Inhal o natimi? Inhal o natimi neigki di?

Joanes 10:33

Eris tas ehelen a nupu Jutaia, um ika, Ecra eti asji euc aijama vaig tah nauritai upene; ja vai intas has esjilid; na atimi aiek, jai na ika aiek, na idim Atua.

Joanes 8:58

Is um ika ehele ra a Iesu, Et idim inivaijec ineig ek asaig ehelemia ainyak mika, an naopan iyehki is pam eti eteuc a Ebraham, EK TUP ETEUC AINYAK.

Joanes 5:18

Eris tas emda jipe a nupu Jutaia mika eri atgei yin, va nedo o un, nikavaig, is auahas nadiat atumop aien, is lep ika aien, Et Etmak a Atua, um ika is apa vai Atua aien.

Madius 12:6

ek asaig ehelemia ainyak mika, Et amen igcaki tah et ethi et esjilid aien an neom ahlap.

Madius 3:9

akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki: