Joanes 8:51 - Intas-Etipup Mat u Iesu Kristo 1863 (Aneityum Gospels)

⁵¹ Et idim inivaijec ineig ek asaig ehelemia ainyak mika, El et apol an tas unyak tah natimi, inyi idim eti mas aien.

Joanes 8:51 Referans Kwoze

Joanes 5:24

Et idim inivaijec ineig ek asaig ehelemia ainyak mika, Aien et atahaijeg intas unyak aien, um asgeig iran is abrai nyak aien, et leh nitai umoh iran ineig aien inyi ti lep ti, inyi ti lep leh neru va nedo has o un aien; is aha vai inmas aien um leh nitai umoh iran.

Joanes 15:20

Akumu imyiehva aijaua intas ineig kis asaig ehelemia ainyak mika, Et eti esjilid tah naheca irai natimi alupas o un. El era edemda vai nyak ara, erupu lep edemda vai caua ara; el era imyiaiji intas unyak ara, erupu lep imyiaiji intas unyimia ara.

Joanes 6:50

Nitai caig is ahes an nohatag um asuol ineigki, eri eti emesmas a ilpu atimi caig.

Lukas 2:26

Is asuptecnaig ehelen a Nesgan Upene, mika yi upyi alum Kristo o Ihova aien, ja pah mas.

Joanes 8:55

eka mun eti ato yin aijaua; ja ek ato yin ainyak: el ek ika ainyak, Ek eti ato yin ainyak, el ek atimi ahcil ainyak um idivai caua: ja ek ato yin ainyak, um apol an tas o un:

Joanes 8:12

Is lep tas ehele ra a Iesu, um ika, Ek itai lah an nobohtan ainyak: aien etpu apitac nyak aien, inyi ti atga an naupat aien, etpu leh nitai lah aien, um umoh.

Madius 16:28

Et inivaijec ineig ek asaig ehelemia ainyak mika, Era aiji igcaki nahaiji atimi eri upyi hup ara um ecet Inhal o natimi napamvaig an nelcau o un, ja par emesmas.

Joanes 8:52

Eris um ika ehelen a nupu Jutaia, Ecra idim ato aijama mika, et amen ehelum a nagelo has: is mas a Ebraham, im lep ilpu profeta; ja na ika aiek, El et apol an tas unyak tah natimi, inyi idim eti mas aien: --

Joanes 14:23

Is tas a Iesu, um ika ehelen, El et aiyu inliinmopon tah natimi vai nyak, etpu apos intas unyak aien: etpu aiyu inliinmopoi Etmak vai yin, ecrupu apan ehelen aijumrau, um amen ehelen.

Joanes 17:6

Kis asuptecnaig nidam ainyak ehele atimi iji eigki an nobohtan, as alupai nyak ra aiek: eris idim unyum ara, as alupai nyak ra aiek; eris apos intas unyum ara.