Joanes 8:47 - Intas-Etipup Mat u Iesu Kristo 1863 (Aneityum Gospels)

⁴⁷ Aien et atimi o Atua aien, et ahaijeg intas o Atua aien: eka eti ahaijeg aijaua, va nitai ineigki, nikavaig, eka eti ilpu atimi o Atua aijaua.

Joanes 8:47 Referans Kwoze

Joanes 18:37

Is um ika ehelen a Pailet, Na idim atimarid aiek, ka o’o? Is um ika a Iesu, Na mun asaig aiek mika ek atimarid ainyak: eris apos nyak va nitai ineigki, kis lep ham ainyak an nobohtan va nitai ineigki, mika ki asuptecnaig nitai inivaijec ainyak: ara asega era apol an nitai inivaijec ara, era imyiaiji intas unyak ara.

Joanes 8:45

Ek tas inivaijec ehelemia ainyak, ja eka eti eteuc an tas unyak aijaua.

Joanes 8:37

Ek ato ainyak, nikavaig, eka ilpu mapoi Ebraham aijaua; ja eka merit aijaua mika aki atgei nyak, va nitai ineigki, nikavaig, et eti amen anliinmopomia intas unyak.

Joanes 8:43

Eka auri aijaua par eti ato intas unyak? va nitai ineigki, nikavaig, et ehka vai caua nahaijegvaig intas unyak.

Joanes 6:65

Is um ika aien, Ek mun idim asaig ehelemia ainyak mika, et ehka vaig tah natimi intup hamvaig ehelek, el et eti alupai yin nemda a Etmak.

Joanes 5:25

Et idim inivaijec ineig ek asaig ehelemia ainyak mika, Etpu yetpam naopan iyehki, et mun idim ham, eru wit atahaijeg nohrai Inhal o Atua a ilpu atimi emesmas: erupu umumoh ara era atahaijeg ara.

Joanes 12:48

et eteuc tah par aru nedo o un et esjum vai nyak aien, um eti leh niji tas unyak: uhpu asuptecnaig nimtan imi yin an nadiat apitac an tas ineigki ek mun asuptecnaig ainyak.