Joanes 8:26 - Intas-Etipup Mat u Iesu Kristo 1863 (Aneityum Gospels)

²⁶ ek ato niji itai et ahinag ainyak par asaig um ated caua iran: ja aien is abrai nyak aien, et inivaijec aien; ek asuptecnaig ehele atimi an nobohtan ainyak nitai iji eigki kis atahaijeg ehelen ainyak.

Joanes 8:26 Referans Kwoze

Joanes 15:15

Inki ti lep ika vai caua ainyak, eka ilpu aheca aijaua; et eti ato tah naheca nitai ineig et ago a natimi alupas o un: ja ek ika vai caua ainyak, eka ilpu etoak aijaua; ek mun asuptecnaig ehelemia ainyak nitai iji eigki asega kis atahaijeg vaig ehele Etmak ainyak.

Joanes 8:40

ja eka idim ika aijaua aki atgei nyak, natimi asan tas inivaijec ineig ehelemia, kis atahaijeg ehele Atua ainyak: is eti ago nedo ineigki a Ebraham:

Joanes 17:8

Kis alupai ra ainyak intas iji eigki as alupai nyak aiek; eris leh ara, um ato upene mika kis idim ahes ehelum ainyak; era lep imyiisjis ninivaijec ara mika as abrai nyak aiek.

Joanes 7:28

Is efehtas a Iesu anliin neom ahlap an nesege o un, um ika, Eka ato nyak aijaua, im lep inuarin ineig kis ahes iran ainyak: kis eti tup ispuk ham ainyak, et inivaijec aien is abrai nyak aien, ja eka eti ato yin aijaua:

Joanes 16:12

Ek lep merit ainyak nasuptecnaigvaig ehelemia niji itai et ahinag, ja eka auatialidi aijaua inlehvaig an naopan ineig:

Joanes 7:16

Is tas ehele ra a Iesu, um ika, Et eti ahes ehelek nesege unyak, ja et ahes ehelen is abrai nyak aien.

Joanes 3:11

Et idim inivaijec ineig ek asaig ehelum ainyak mika, Ecra tas aijama va nitai iji eigki ecra ato aijama, um asuptecnaig nitai iji eigki, ecris almoi aijama; ja eka eti eteuc an tas unyima aijaua.

Joanes 8:25

Eris um ika ehelen ara, Aiek di aigki? Is um ika ehele ra a Iesu, Ek tup ethi ache ainyak kis upyi aniv nyak ehelemia ainyak:

Joanes 8:27

Eris eti ato ara, nikavaig, is tas ehele ra aien vai Etman.

Joanes 18:20

Is um ika ehelen a Iesu, Kis tas ainyak an nuhup o atimi asega; kis idim esege ainyak irai eom alaigaheni im lep anliin neom ahlap, era apan iran a nupu Jutaia irai irai iji adiat; kis eti adenan tas unyak ainyak: