Joanes 8:2 - Intas-Etipup Mat u Iesu Kristo 1863 (Aneityum Gospels)

² Is wat lahlah an nuhialeg, is lep apan aien anliin neom ahlap, eris ahtag pan ehelen natimi asega; is ateucse aien, um esege imi ra.

Joanes 8:2 Referans Kwoze

Madius 26:55

Is ika a Iesu ehele atimi is ahinag an nuarin-nadiat iyehki, Eka mun idim ham aijaua um auanedo an natimi ehneg itai irak, um apos auitoga im nelop mika ki leh nyak: kis ateuc ehelemia ainyak anliin neom ahlap irai iji adiat um esege imi caua, ja akis eti arop irak aijaua.

Lukas 21:37

Is esege aien anliin neom ahlap an nadiat; ja is wat epeig, is alau ijo aien, um amen an nedoon nidan Olivet.

Lukas 4:20

Is atapanes an nitasvitai aien, um lep alupai naheca, um ateucse. Eris amaharan ara asega anliin neom alaigaheni.

Lukas 5:3

Is aridjai aien an nelcau is ethi irahki is ohuun a Saimona, um ika ehelen yi apok tintin. Is ateucse aien an nelcau, um esege imi atimi.

Joanes 8:20

Is asan tas iji eigki a Iesu an nesege o un, an nuarin ikni mune iran anliin neom ahlap: ja is eti arop iran tah natimi; is eti fi yetpam naopan o un.

Joanes 4:34

Is um ika ehele ra a Iesu, Et itai caig unyak ineigki, nimyiaijivaig intas o un is abrai nyak aien, um lep ago ehni nauritai o un.

Lukas 21:38

Is wat lahlah an nuhialeg, eris ahtag pan ehelen atimi asega anliin neom ahlap, mika eri atahaijeg yin.

Joanes 8:3

Eris imyiapan ehelen intakata is ethi a ilpu atimi esege im ilpu Farisi, eris ecet yin nagovaig ingaijid, um ati yin an nibla atimi,