Joanes 7:39 - Intas-Etipup Mat u Iesu Kristo 1863 (Aneityum Gospels)

³⁹ (Is asan tas ineigki aien va Nesgan Upene, aien aigki erupu leh yin a ilpu atimi asgeig iran: eris pam eti alupa atimi Nesgan Upene an naopan iyehki; va nitai ineigki, nikavaig, eris eti fi ehvaig natimi alupas o Iesu.)

Joanes 7:39 Referans Kwoze

Joanes 16:7

ja ek asaig intas inivaijec ehelemia ainyak; Et upene vai caua mika ki apan ainyak: el ek eti apan ainyak, inyi ti yetpam ehelemia a Natimi atau iramia; ja el ek apan ainyak, ekpu abraig pam yin ainyak ehelemia.

Joanes 12:16

Eris eti fi ato nitai iji eigki a ilpu atimi atahaijeg yin an naopan iyehki; ja eris wat ehvaig natimi alupas a Iesu, eris imyiehva ara mika eris upyi aged nitai iji eigki vai yin, um lep ago nitai iji eigki iran.

Joanes 20:22

Is asan tas ineigki aien, ja par ehledowa ra, um ika ehele ra, Akumu leh Nesgan Upene aijaua:

Joanes 12:23

Is tas ehele rau a Iesu, um ika, Et mun ubutpotet u naopan ineig uhpu ehvaig natimi alupas o Inhal o natimi.

Joanes 17:5

Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.

Joanes 14:13

Nitai iji eigki eka ugni aijaua an nidak, ekpu ago ainyak, va uhpu imyiahpas Etmak vai Inhal o un.

Joanes 7:12

Eris imyiisjis jipe yin natimi: eris ika nahaiji ra, Et atimi upene aien: ja eris ika nahaiji ra, O’o; et ago nedo efaifa aien va atimi.

Joanes 6:14

Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 1:33

kis eti ato yin ainyak: ja aien is abrai nyak aien mika ki baptiso ira atimi ainyak an wai, is ika ehelek aien, Aien aigki napu ecet shlegan Upene aiek nasuolvaig Neeen um amen iran, etpu baptiso ira atimi aien an Nesgan Upene.

Joanes 1:25

Eris ahodai yin ara, um ika ehelen, El et eti Kristo aiek, ka Elaija, ka naprofeta iyehki, na auri aiek par baptiso ira atimi?

Joanes 1:21

Eris lep ahodai yin ara, um ika, Aiek di aigki? Na Elaija aiek, ka o’o? Is um ika aien, O’o. Eris um ika ara, Na aprofeta iyehki aiek, ka o’o? Is um ika aien, O’o.

Lukas 24:49

Ekpu alupai caua ainyak intas upyi asaig o Etmak: jam amen aijaua an nuarin-pece Jerusalem, um uhum pan naopan iyehki akupu leh nemda aijaua jipagko.

Lukas 7:16

Eris imtitaig ara asega: eris imyiahpas Atua ara, um ika, Et mun atidai eheleija naprofeta esjilid et ethi; um lep ika, Et mun ateghe ilpu atimi o un a Atua.

Lukas 3:16

is tas a Joanes, um ika ehele ra asega, Ek idim baptiso iramia ainyak an wai; ja etpu yetpam tah inyi ethi, inyi esjilid irak aien, ek eti upene ainyak par ahiyi nehtit an cedpun eduon: etpu baptiso iramia aien an Nesgan Upene im lep incop:

Madius 16:14

Eris ika ara, Era ika nahaiji ra, Nai Joanes aiek Natimi baptiso: um ika nahaiji ra, Elaija; um ika nahaiji ra, Jeremaia, ka tah et ethi irai ilpu profeta.

Joanes 14:26

Jai Natimi atau iramia, et Esgan Upene aien, etpu abrai yin a Etmak an nidak, etpu esege imi caua aien niji itai asega, um ahugni lelmia an niji itai asega iji eigki kis asaig ehelemia ainyak.

Madius 21:11

Eris um ika natimi is ahinag, Iesu neigki, naprofeta an Nasared an pece Calili.

Joanes 8:54

Is um ika a Iesu, El ek imyiahpas nyak ainyak, el et takitai nimyiahpas nyak unyak: aien et imyiahpas nyak aien et Etmak aien; aien aigki eka ika aijaua vai yin, et Atua unyimia aien:

Joanes 16:14

etpu ehvai natimi alupas unyak aien: etpu lep leh niji itai unyak aien, um asuptecnaig ehelemia.

Joanes 17:1

IS wat tas ehni a Iesu, ja par easji pan an nohatag, um ika, Ak Etmak, et mun yetpam naopan unyak; namu ehvaig natimi alupas o Inhal unyum aiek, va etpu lep ehvaig natimi alupas unyum a Inhal unyum: