Joanes 7:1 - Intas-Etipup Mat u Iesu Kristo 1863 (Aneityum Gospels)

¹ Is wat ti pan itac nitai iji eigki, is atga sjipe a Iesu an pece Calili: is eti merit aien natga jipe vaig an pece Jutaia, va nitai ineig, nikavaig, eris ika a nupu Jutaia eri atgei yin.

Joanes 7:1 Referans Kwoze

Joanes 4:3

is ahes Jutaia aien, um atga o un, um lep apan Calili.

Madius 21:38

Eris wat ecet inhal o un a ilpu atimi ahapol, eris tas jipe ehele ra ara, um ika, Natimi ineigki etpu isjipigmoig etman aien; ti atgei yin akaija, um atoraliak uman.

Joanes 7:19

Is alupai caua intas alep a Moses, ja eka idim eti imyiaiji intas alep aijaua. Eka auri aijaua par ika aki atgei nyak?

Madius 10:23

Eru wit abli caua ara an nuarin-pece inyi ethi, akumu aha pan aijaua an taka uarin: et inivaijec ineig ek asaig ehelemia ainyak mika, Akupu eti arahed ehni irai uari-pece Isreel aijaua, um imyihum pan naopan iyehki etpu ham a Inhal o natimi.

Joanes 4:54

Nehcero ago nauritai ehka o Iesu neigki an nahes o un Jutaia um apan Calili.

Joanes 1:19

INTAS o Joanes ineigki an naopan iyehki eris abrai ilpu atimi ahlap im ilpu mapoi Livai a nupu Jutaia mika eri ahes Jerusalem ara, um apan, um ahodai yin, um ika, Aiek di aigki?

Joanes 8:40

ja eka idim ika aijaua aki atgei nyak, natimi asan tas inivaijec ineig ehelemia, kis atahaijeg ehele Atua ainyak: is eti ago nedo ineigki a Ebraham:

Joanes 8:37

Ek ato ainyak, nikavaig, eka ilpu mapoi Ebraham aijaua; ja eka merit aijaua mika aki atgei nyak, va nitai ineigki, nikavaig, et eti amen anliinmopomia intas unyak.

Joanes 7:25

Eris um ika nahaiji nupu Jerusalem, Aien aigki era ika ara eri atgei yin, ka o’o?

Joanes 6:1

IS wat ti pan itac nitai iji eigki, is algauwaig an jop Calili, tak idan Taibiryas.

Joanes 7:11

Eris ahilek yin u nasjapicnaig a nupu Jutaia, um ika, An yek eda aien?

Joanes 7:13

Ja is eti tas emda vai yin tah, eris imtitai upu Jutaia ara.

Joanes 7:35

Eris tas jipe a nupu Jutaia, um ika, Etpu apan aien eda, mika inti eti lep ecet yin akaija? etpu apan aien ehele atimi era terimterim ara irai nupu Crisi, um esege imi nupu Crisi, ka o’o?