Joanes 6:14 - Intas-Etipup Mat u Iesu Kristo 1863 (Aneityum Gospels)

¹⁴ Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 6:14 Referans Kwoze

Madius 21:11

Eris um ika natimi is ahinag, Iesu neigki, naprofeta an Nasared an pece Calili.

Madius 11:3

um ika ehelen, Na atimi iyehki aiek, eris ika, Etpu ham aien, ka intupu aitgai yin akaija?

Joanes 7:40

Eris wat atahaijeg intas ineigki ara, eris ika natimi is ahinag, Et inivaijec ineig, nikavaig, et aprofeta iyehki aien.

Joanes 1:21

Eris lep ahodai yin ara, um ika, Aiek di aigki? Na Elaija aiek, ka o’o? Is um ika aien, O’o. Eris um ika ara, Na aprofeta iyehki aiek, ka o’o? Is um ika aien, O’o.

Joanes 4:19

Is um ika ehelen a intakata iyehki, Ak natimi alupas, ek ato ainyak, nikavaig, na aprofeta aiek:

Joanes 4:42

um ika ehele intakata iyehki, Ecra idim imyiisjis ninivaijec aijama, ja eti vai intas unyum: ecra mun idim atahaijeg intas o un aijama, um ato, nikavaig, et idim Kristo aien, Natimi imyiatamaig nup urai iji pece asega.

Joanes 4:25

Is um ika ehelen a intakata iyehki, Ek ato ainyak, nikavaig, etpu yetpam a Mesia, er anvi nidan par ika Kristo: et wit ham aien, etpu asuptecnaig ehelema aien niji itai asega.

Lukas 24:19

Is ika aien ehele rau, Nevitai? Erus ika ehelen arau, Nitai iji eigki vai Iesu nup an Nasared, is aprofeta aien, is esjilid nedo o un im intas o un an nuhup o Atua im lep atimi asega:

Lukas 7:16

Eris imtitaig ara asega: eris imyiahpas Atua ara, um ika, Et mun atidai eheleija naprofeta esjilid et ethi; um lep ika, Et mun ateghe ilpu atimi o un a Atua.

Joanes 2:11

Is atupun a Iesu um ago nauritai ehka ineigki Kena an pece Calili, um ehvaig natimi alupas o un; eris imyiisjis ninivaijec yin a ilpu atimi atahaijeg yin.

Joanes 6:2

Eris wat almoi niji auritai ehka o un iji eigki is ago aien irai ilpu atimi emehe natimi is ahinag acen, eris apitac yin ara.

Joanes 6:26

Is tas a Iesu, um ika ehele ra, Et idim inivaijec ineig ek asaig ehelemia ainyak mika, Eka eti ahilek nyak aijaua va niji auritai ehka iji eigki akis ecetai aijaua, jai va areto iji eigki akis hegaig aijaua, um gaije iran:

Joanes 6:30

Eris lep ika ehelen ara, Nev auritai ehka ineig na ago aiek, mika ecri almoi aijama, um imyiisjis ninivaijec euc? na ago inhe aiek?

Joanes 11:27

Is um ika ehelen aien, Maiya, ak Natimarid: ek imyiisjis ninivaijec ineig ainyak, nikavaig, nai Kristo aiek, Inhal o Atua, eris ika, Etpu ham aien an nobohtan.