Joanes 5:39 - Intas-Etipup Mat u Iesu Kristo 1863 (Aneityum Gospels)

³⁹ Eka ahilek an tas eris aged aijaua; eka aktaktai aijaua mika aki leh iran nitai umoh iran ineig inyi ti lep ti: et idim asuptecnaig nyak intas ineigki.

Joanes 5:39 Referans Kwoze

Lukas 24:27

Is atupun aien um asuptecnaig ehele rau intas asega vai yin is aged a Moses im ilpu profeta asega.

Lukas 24:44

Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Madius 22:29

Ja is tas a Iesu, um ika ehele ra, Eka ahnag aijaua, um eti ato intas eris aged, im nemda o Atua.

Joanes 5:46

Al ekis eteuc an tas o Moses aijaua, el eka lep eteuc an tas unyak aijaua: is aged intas vai nyak aien.

Joanes 7:52

Eris tas ara, um ika ehelen, Nai lep upu Calili aiek, ka o’o? ahilek, um almoi: et eti ahes Calili tah naprofeta.

Joanes 5:32

Et asuptecnaig nyak intak atimi; ek ato ainyak mika et inivaijec intas o un vai nyak.

Joanes 5:36

Ja et eteuc nasuptecnaig nyak et esjilid irai Joanes: nauritai iji eigki is asaig ehelek a Etmak mika ki ago ehni ainyak, ek ago nauritai iji eigki ainyak par asuptecnaig nyak, mika is abrai nyak a Etmak.

Lukas 16:31

Is ika ehelen aien, El era eti atahaijeg Moses im ilpu profeta ara, el et nusjai tah natimi mas, eri eti imyiisjis ninivaijec ara.

Lukas 16:29

Is ika ehelen a Ebraham, Et amen ehele ra a Moses im ilpu profeta; erumu atahaijeg ra ara.

Joanes 1:45

Is ecet Nadanyel a Filipus, um ika ehelen, Ecra mun ecet Iesu nup an Nasared aijama inhal o Josef, aien aigki is aged intas vai yin a Moses an tas alep, im lep ilpu profeta.

Lukas 24:25

Is ika ehele rau aien, Ak ohwat atimi ahnag, et auatialidi inliinmopomirau aijaurau par imyiisjis ninivaijec intas asega eris asaig a ilpu profeta:

Joanes 5:40

Ja eka esjum aijaua nahtag pam vaig ehelek, par leh nitai umoh iran.