Joanes 5:22 - Intas-Etipup Mat u Iesu Kristo 1863 (Aneityum Gospels)

²² Et eti asuptecnaig nimtan im intah natimi a Etmak, ja is ati Inhal o un aien mika yi asuptecnaig nimtan imi ra asega aien,

Joanes 5:22 Referans Kwoze

Joanes 5:27

is lep ati yin aien mika yi asuptecnaig nimtan imi atimi aien, va nitai ineigki, nikavaig, et Hal o natimi aien.

Madius 28:18

Is apan a Iesu um tas ehele ra, um ika, Eris ati nemda asega imi nyak an nohatag im nobohtan.

Joanes 9:39

Is um ika a Iesu, Kis ham an nobohtan ainyak par aru jipe nedo o atimi, mika eri alum itai a ilpu atimi aupat nesganimtara; im lep mika yi aupat nesganimtai ilpu atimi alum itai.

Joanes 17:2

as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Madius 16:27

Etpu yetpam a Inhal o natimi an natimi alupas o Etman im lep ilpu agelo o un; etpu ago neruvaig imi atimi asega aien yi idivaig nauritai ura.

Joanes 3:35

Et aiyu inliinmopoi Etmak vai Inhal o un, is ati niji itai asega ehelen aien.

Madius 11:27

Is ati niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.