Joanes 5:19 - Intas-Etipup Mat u Iesu Kristo 1863 (Aneityum Gospels)

¹⁹ Is tas a Iesu, um ika ehele ra, Et idim inivaijec ineig ek asaig ehelemia ainyak mika, Et ehka vai Inhal o Atua intup ispun ago tah nitai vaig, nitai iji eigki ache, et alum Etman aien nagovaig: nitai iji eigki asega et ago aien, et lep ago a Inhal o un.

Joanes 5:19 Referans Kwoze

Joanes 12:49

Kis eti tup ispuk tas ainyak; ja is alupai nyak intas alep a Etmak is abrai nyak aien, nikavaig, intas ineig ekpu asuptecnaig ainyak, im lep intas ineig ekpu esege ainyak.

Joanes 8:28

Is um ika ehele ra a Iesu, Aku wit atijai Inhal o natimi aijaua, akupu ato aijaua, nikavaig, et atimi iyehki ainyak, im lep ineig, nikavaig, ek eti ispuk ago tah nitai ainyak; ja ek asaig nitai iji eigki ainyak is esege imtak a Etmak:

Joanes 14:10

na imyiisjis ninivaijec aiek, nikavaig, ek amen ainyak ehele Etmak, et lep amen a Etmak ehelek, ka o’o? ek eti tup ispuk tas ainyak irai tas iji eigki ek asaig ehelemia ainyak: ja et ago nauritai iji eigki a Etmak et amen ehelek aien.

Joanes 10:18

Inyi eti atipagki nitai umoh iran unyak tah natimi, ek tup ispuk ahtai ainyak: ek emda ainyak intup ispuk ahtaivaig, um lep emda ainyak par lep nusjai. Kis leh intas alep ineigki ehele Etmak ainyak.

Joanes 9:4

eris idim ika ki ago niji auritai o un ainyak an nadiat is abrai nyak aien: et wit yetpam nepeig, inyi ehka va atimi nagovaig nauritai iran:

Lukas 21:15

ekpu alupai caua intas ainyak im narapakau, erupu auatialidi a ilpu atimi tak atimi iramia asega inwudyedivaig intas unyimia um imyiisjis.

Joanes 5:21

Et idim imyiatidai ilpu atimi emesmas a Etmak, um imyiatamumoh ra; et um ucco et imyiatamumoh ra sji eigki a Inhal o un et merit vai ra aien.

Joanes 3:3

Is tas ehelen a Iesu, um ika, Et idim inivaijec ineig ek asaig ehelum ainyak mika, El eh eti lep apos tah natimi, inyi ehka vai yin necetaivaig nelcau o Atua.

Joanes 2:19

Is tas a Iesu, um ika ehele ra, Akumu auahas neom ahlap ineigki aijaua, ja ekpu lep ago ainyak an nadiat inyi eseij.

Madius 26:39

Is eti elvatga aien, um atpuse, um alaigaheni, um ika, Ak Etmak, el et wat eti ehka, el eh mun atipagki nipjinitai ineigki ehelek: jai jim imyiaiji intas unyak, jam imyiaiji intas unyum.

Joanes 6:38

kis eti ahes an nohatag ainyak um asuol, mika ki imyiaiji intas unyak, jam imyiaiji intas o un is abrai nyak aien:

Joanes 12:50

Ek idim ato ainyak, mika et itai umoh iran ineig inyi ti lep ti intas alep o un: nitai iji eigki ache ek esege ainyak is asuptecnaig ehelek a Etmak.