Joanes 3:29 - Intas-Etipup Mat u Iesu Kristo 1863 (Aneityum Gospels)

²⁹ Aien er aniv yin im natahaig ineig inyi atidai aien, etpu atidai aien: ja et aiji a etoai natimi ineig etpu atidai aien, um atahaijeg yin, um imyiacitak alupas va nohra natimi ineig etpu atidai aien: et idim ucco et esjilid nimyiacitak unyak.

Joanes 3:29 Referans Kwoze

Madius 9:15

Is um ika ehele ra a Iesu, Et ehka vai ilpu laig o natimi leh ehgan nohocredvaig, an namen u natimi leh ehgan ehele ra; ja etpu yetpam nadiat iji ehki, uhu wit atipagki natimi leh ehgan ehele ra, erupu atwakam ara an naopan iyehki.

Joanes 16:24

Akis eti ugni tah nitai an nidak aijaua: akumu ugni aijaua, akupu leh aijaua, va etpu esjilid nimyiacitak unyimia.

Lukas 15:6

et wat apan an nimnim o un aien, et asjapicnaig ilpu etoan aien im ilpu atimi eblaamnem o un, um ika ehele ra, Ti ehrimyiacitak siip unyak akaija is melga; ek mun ecetai ainyak.

Madius 25:1

An naopan iyehki etpu idivaig ilpu atahaig is ten nelcau an nohatag, eris leucse lamp ura ara, um alau ijo um apan mika eri aubillid natimi leh ehgan.

Joanes 17:13

Ekpu apam ehelum ainyak an naopan ineig; ek asuptecnaig nitai iji eigki an nobohtan ainyak, mika yi imyiacitak alupas inliinmopura ara vai nyak.

Madius 22:2

Nelcau an nohatag et idivaig natimarid is ethi, is auanetha alupas aien an natmehgan o inhalav atamaig o un,

Joanes 3:30

Eris idim ika etpu esjilid aien, ja ekpu asuol ainyak.

Joanes 15:11

Ek mun asuptecnaig nitai iji eigki imi caua ainyak, mika yi amen ehelemia nimyiacitak unyak, um lep esjilid nimyiacitak unyimia.