Joanes 20:16 - Intas-Etipup Mat u Iesu Kristo 1863 (Aneityum Gospels)

¹⁶ Is um ika ehelen a Iesu, Ak Mere. Is ahidai yin aien, um ika ehelen, Ak Rabonai; nesgan tas ineigki, Ak Natimi esege.

Joanes 20:16 Referans Kwoze

Joanes 10:3

et asalgei vai yin a natimi aminjinaig intapanes; era atahaijeg nohran siip: et ahlaig vai nidai siip o un aien, um uhup pan itac ira ra:

Joanes 1:38

Is ahidai yin a Iesu um ecet rau napitac yin vaig, um ika ehele rau, Erau merit vanhe aijaurau? Erus ika ehelen arau, Ak Rabai, (nesgan tas ineigki, Ak Natimi esege,) na amen aiek eda?

Joanes 6:25

Eris wat ecet yin ara an nahaijin jop, eris um ika ehelen ara, Ak Natimi esege, nai ham aiek igcaki an nahopan?

Joanes 20:28

Is tas a Tomas, um ika ehelen, Ak Natimarid unyak, im lep Atua unyak.

Joanes 13:13

Eka anvi nidak aijaua par ika, Natimi esege, im lep Natimarid: et upene intas unyimia; ek idim ucco ainyak:

Joanes 11:28

Is asan tas ineigki aien, ja par atga o un, um apan, um echim ahlaig ache vai Mere etoan, um ika, Et mun ham a Natimi esege, um ahlaig vai euc.

Joanes 5:2

Is eteuc netpen Jerusalem ubutpotet u neucse nirahed u siip, nidan Hibru Bedesta, is faiv naiyu o un.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Lukas 10:41

Is tas a Iesu, um ika ehelen, Ak Marda, ak Marda, na aktaktai niji itai et ahinag aiek, um ohocred:

Madius 14:27

Is idim tas ehele ra a Iesu, um ika, Etmu eropse inliinmopomia aijaua; ainyak aigki; jim imtitaig aijaua.