Joanes 2:22 - Intas-Etipup Mat u Iesu Kristo 1863 (Aneityum Gospels)

²² Is wat nusjai aien vai inmas o un, eris imyiehva a ilpu atimi atahaijeg yin intas ineigki is asaig ehele ra aien; eris imyiisjis ninivaijec intas ineig ara eris upyi aged, im intas ineig is asaig a Iesu.

Joanes 2:22 Referans Kwoze

Joanes 12:16

Eris eti fi ato nitai iji eigki a ilpu atimi atahaijeg yin an naopan iyehki; ja eris wat ehvaig natimi alupas a Iesu, eris imyiehva ara mika eris upyi aged nitai iji eigki vai yin, um lep ago nitai iji eigki iran.

Joanes 16:4

Ja ek mun asupecnaig nitai iji eigki ehelemia ainyak, mika, et wit yetpam naopan iyehki, aki imyiehva aijaua intas unyak ehelemia. Kis eti fi asuptecnaig nitai iji eigki ehelemia ainyak itu acen, va namen unyak ehelemia:

Joanes 14:26

Jai Natimi atau iramia, et Esgan Upene aien, etpu abrai yin a Etmak an nidak, etpu esege imi caua aien niji itai asega, um ahugni lelmia an niji itai asega iji eigki kis asaig ehelemia ainyak.

Joanes 2:17

Eris um imyiehva a ilpu atimi atahaijeg yin intas ineig eris upyi aged, um ika, “Ek auatialidi ainyak va nohocred unyak va neom unyum.”

Joanes 2:11

Is atupun a Iesu um ago nauritai ehka ineigki Kena an pece Calili, um ehvaig natimi alupas o un; eris imyiisjis ninivaijec yin a ilpu atimi atahaijeg yin.

Lukas 24:44

Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Lukas 24:26

eris idim ika yi leucse nohocred iji eigki a Kristo, ja par leh natimi alupas o un.

Joanes 2:2

eris imyiacaij Iesu im lep ilpu atimi atahaijeg yin mika eri apan ara u netha an natmehgan.