Joanes 18:4 - Intas-Etipup Mat u Iesu Kristo 1863 (Aneityum Gospels)

⁴ Is ato a Iesu niji itai asega etpu vetpam iran, ja is apan aien, um ika ehele ra, Eka ahilek di aijaua?

Joanes 18:4 Referans Kwoze

Joanes 13:1

An naopan iyehki is mun ubutpotet u nasjapicnaig va napaska, ja is ato a Iesu, nikavaig, is yetpam naopan ineig inyi ude nobohtan ineigki aien, um apan ehele Etman, is aiyu inliinmopon aien vai ilpu atimi o un an nobohtan, is lep aiyu inliinmopon aien vai ra um yetpan u inmas o un.

Joanes 18:7

Is lep ahodai ra aien, um ika, Eka ahilek di aijaua? Eris ika ara, Iesu nup an Nasared.

Joanes 19:28

Is wat ti pan itac nitai iji eigki is ato a Iesu, nikavaig, eris ago ehni niji itai asega; va uhpu ehneijid intas eris upyi aged, is ika aien, Ek ahvig wai ainyak.

Joanes 13:11

Is idim ato aien natimi ineig etpu aniv yin; va nitai ineigki is ika aien, Eka eti adicinadicin aijaua asega.

Joanes 6:64

Ja et eteuc nahaijimia era eti imyiisjis ninivaijec ara. -- Is wat pam eti eteuc nobohtan ineigki, is ato ra a Iesu erupu imyiisjis nahcil ara, im lep yin etpu aniv yin aien.

Lukas 24:44

Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Madius 26:31

Is um ika ehele ra a Iesu, Akupu imyiehcamai nyak aijaua asega an nepeig ineigki: eris aged, um ika, “Ekpu auud natimi asgi siip ainyak, erupu terimterim jipe siip.”

Madius 26:21

Eris wat hag ara, is ika aien, Et inivaijec ineig ek asaig ehelemia ainyak mika, etpu aniv nyak tah inyi ethi iramia.

Madius 26:2

Eka ato aijaua, nikavaig, et wit ti pan itac nadiat inyi ero, uhu wit asjapicnaig u napaska; uhpu aniv Inhal o natimi mika eri atgei yin an nauincai atgeig.

Madius 16:21

Is atupun a Iesu an naopan iyehki um asuptecnaig ehele ilpu atimi atahaijeg yin, um ika, Ek et hidim ika ainyak ki apan Jerusalem, etpu ahinag nohocred unyak vai ilpu atimi tas alep, im ilpu atimi ahlap esjilid, im ilpu atimi esege, erupu atgei nyak ara; ja et wit ti pan itac nadiat inyi eseij ekpu lep nusjai ainyak.

Joanes 18:5

Eris um ika ehelen ara, Iesu nup an Nasared. Is ika ehele ra a Iesu, Ainyak um aigki. Is lep aiji ehele ra a Jutas, natimi aniv yin.