Joanes 17:26 - Intas-Etipup Mat u Iesu Kristo 1863 (Aneityum Gospels)

²⁶ Ek mun asuptecnaig nidam ehele ra ainyak, ekpu lep asuptecnaig ainyak; mika yi aiyu inliinmopom aiek vai ra, et idivai naiyu u inliinmopom vai nyak, ekpu lep amen ehele ra ainyak.

Joanes 17:26 Referans Kwoze

Joanes 17:23

ekmu amen ehele ra ainyak, um lep amen ehelek aiek, mika eri tup ethi ache ara um esjilid; va erupu ato natimi an nobohtan mika as abrai nyak aiek, um lep aiyu inliinmopom aiek vai ra, et idivaig naiyu u inliinmopom vai nyak.

Joanes 17:6

Kis asuptecnaig nidam ainyak ehele atimi iji eigki an nobohtan, as alupai nyak ra aiek: eris idim unyum ara, as alupai nyak ra aiek; eris apos intas unyum ara.

Joanes 15:9

Et idim aiyu inliinmopoi Etmak vai nyak, et um ucco et aiyu inliinmopok ainyak vai caua: akumu amen aijaua an naiyu u inliinmopok vai caua.

Joanes 15:15

Inki ti lep ika vai caua ainyak, eka ilpu aheca aijaua; et eti ato tah naheca nitai ineig et ago a natimi alupas o un: ja ek ika vai caua ainyak, eka ilpu etoak aijaua; ek mun asuptecnaig ehelemia ainyak nitai iji eigki asega kis atahaijeg vaig ehele Etmak ainyak.

Joanes 14:20

Akupu ato aijaua an naopan iyehki, nikavaig, ek amen ehele Etmak ainyak, um lep amen ehelek aijaua, um lep amen ehelemia ainyak.

Joanes 15:4

Akumu amen ehelek aijaua, ekpu lep amen ehelemia ainyak. Et ehka vai ran nohouvaig, et wat eti amen irai ohui vaine; et um ucco vai caua, el eka eti amen ehelek aijaua.

Joanes 14:23

Is tas a Iesu, um ika ehelen, El et aiyu inliinmopon tah natimi vai nyak, etpu apos intas unyak aien: etpu aiyu inliinmopoi Etmak vai yin, ecrupu apan ehelen aijumrau, um amen ehelen.

Joanes 8:50

Ek eti ahilek nimyiahpas nyak ainyak: ja et ahilek tah et ethi, um aktaktai nyak.

Joanes 6:56

Aien et caig nohuk aien, um umnyi inja irak, et amen ehelek aien, um lep amen ehelen ainyak.

Joanes 17:8

Kis alupai ra ainyak intas iji eigki as alupai nyak aiek; eris leh ara, um ato upene mika kis idim ahes ehelum ainyak; era lep imyiisjis ninivaijec ara mika as abrai nyak aiek.