Joanes 17:23 - Intas-Etipup Mat u Iesu Kristo 1863 (Aneityum Gospels)

²³ ekmu amen ehele ra ainyak, um lep amen ehelek aiek, mika eri tup ethi ache ara um esjilid; va erupu ato natimi an nobohtan mika as abrai nyak aiek, um lep aiyu inliinmopom aiek vai ra, et idivaig naiyu u inliinmopom vai nyak.

Joanes 17:23 Referans Kwoze

Joanes 17:21

mika eri tup ethi ache ara, um idivai caijau, na amen ehelek aiek, ak Etmak, ek lep amen ehelum ainyak, mika eri lep amen eheleijau ara um tup ethi ache: va erupu imyiisjis ninivaijec natimi an nobohtan mika as abrai nyak aiek.

Joanes 16:27

et idim aiyu inliinmopoi Etmak vai caua, va nitai ineig, nikavaig, et aiyu inliinmopomia aijaua vai nyak, um lep imyiisjis ninivaijec mika kis ahes ehele Atua ainyak.

Joanes 13:35

va erupu ato natimi asega, nikavaig, eka ilpu atimi atahaijeg nyak aijaua, an naiyu jipe vaig inliinmopomia aijaua vai caua.

Joanes 17:26

Ek mun asuptecnaig nidam ehele ra ainyak, ekpu lep asuptecnaig ainyak; mika yi aiyu inliinmopom aiek vai ra, et idivai naiyu u inliinmopom vai nyak, ekpu lep amen ehele ra ainyak.

Joanes 17:24

Ak Etmak, ek merit ainyak mika eri amen ehelek ara sji eigki, as alupai nyak ra aiek, an nuarin ineig ek amen iran ainyak, um almoi natimi alupas unyak, as alupai nyak aiek: is idim aiyu inliinmopom aiek vai nyak an naopan iyehki is pam eti eteuc nobohtan.

Joanes 14:23

Is tas a Iesu, um ika ehelen, El et aiyu inliinmopon tah natimi vai nyak, etpu apos intas unyak aien: etpu aiyu inliinmopoi Etmak vai yin, ecrupu apan ehelen aijumrau, um amen ehelen.

Joanes 14:10

na imyiisjis ninivaijec aiek, nikavaig, ek amen ainyak ehele Etmak, et lep amen a Etmak ehelek, ka o’o? ek eti tup ispuk tas ainyak irai tas iji eigki ek asaig ehelemia ainyak: ja et ago nauritai iji eigki a Etmak et amen ehelek aien.

Joanes 6:56

Aien et caig nohuk aien, um umnyi inja irak, et amen ehelek aien, um lep amen ehelen ainyak.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 10:38

ja el ek ago ainyak, el eka eti eteuc an tas unyak aijaua, akumu imyiisjis ninivaijec niji auritai unyak aijaua: mika aki ato aijaua, um imyiisjis ninivaijec, nikavaig, et amen ehelek a Etmak, um lep amen ehelen ainyak.

Joanes 15:9

Et idim aiyu inliinmopoi Etmak vai nyak, et um ucco et aiyu inliinmopok ainyak vai caua: akumu amen aijaua an naiyu u inliinmopok vai caua.

Joanes 17:3

Nitai umoh iran ineig inyi ti lep ti ineigki, mika eri ato euc ara, nikavaig, na Atua inivaijec ache aiek, im Iesu Kristo, as abraig yin aiek.

Joanes 17:8

Kis alupai ra ainyak intas iji eigki as alupai nyak aiek; eris leh ara, um ato upene mika kis idim ahes ehelum ainyak; era lep imyiisjis ninivaijec ara mika as abrai nyak aiek.

Joanes 17:11

Inki ti lep amen an nobohtan ainyak, ja era amen an nobohtan ara sji eigki, ekpu apam ehelum ainyak. Ak Etmak upene, aminjina atimi iji eigki aiek an nidam as alupai nyak ra aiek, mika eri tup ethi ache ara, um idivai caijau.