Joanes 15:7 - Intas-Etipup Mat u Iesu Kristo 1863 (Aneityum Gospels)

⁷ El eka amen ehelek aijaua, um lep amen ehlemia niji tas unyak, aku wit ugni nitai iji eigki aijaua, eka merit vaig aijaua, uhpu alupai caua.

Joanes 15:7 Referans Kwoze

Joanes 14:13

Nitai iji eigki eka ugni aijaua an nidak, ekpu ago ainyak, va uhpu imyiahpas Etmak vai Inhal o un.

Joanes 15:16

Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak.

Madius 7:7

Akumu ugni itai aijaua, uhpu alupai caua; akumu ahilek itai aijaua, akupu ecetai aijaua; akumu etcetcei intapanes aijaua, uhpu asalgei vai caua:

Joanes 16:23

Aki eti ahodai nyak vaig tah nitai aijaua an naopan iyehki. Et idim inivaijec ineig ek asaig ehelemia ainyak mika, Etpu alupai caua nitai iji eigki a Etmak, eka ugni yin vaig aijaua an nidak.

Joanes 8:37

Ek ato ainyak, nikavaig, eka ilpu mapoi Ebraham aijaua; ja eka merit aijaua mika aki atgei nyak, va nitai ineigki, nikavaig, et eti amen anliinmopomia intas unyak.

Joanes 8:31

Is um ika a Iesu ehele nupu Jutaia iji eigki eris eteuc an tas o un ara, El eka apol ipjin an tas unyak aijaua, el eka idim ilpu atimi atahaijeg nyak aijaua;