Joanes 15:2 - Intas-Etipup Mat u Iesu Kristo 1863 (Aneityum Gospels)

² Et atipagki inran asega aien et amen ehelek, jam eti ohou: et lep ahped ran asega aien et ohou, mika yi ahinag nohoan.

Joanes 15:2 Referans Kwoze

Madius 3:10

eh mun ati inpas u nohu auicai an naopan ineig: uhpu acaldei nauicai asega et eti upene nasau iran, um erekhaigjai an cop:

Madius 15:13

Is tas aien, um ika, Uhpu auorohos nefelelicai asega is eti ahoaig a Etmak an nohatag:

Joanes 15:8

Aku wit ohou aijaua um ahinag nohoamia, uhpu imyiahpas Etmak; akupu lep ilpu atimi atahaijeg nyak aijaua.

Madius 13:12

Aien et o un itai, uhpu lep alupai yin, inyi ahinag niji itai o un: aien et eti o un itai, uhpu atipagki ehelen niji itai o un.

Madius 3:12

et apos nitai ucjucjai itai o un aien, etpu idim ago adicinadicin nuarin ikni sito o un aien, etpu ikni hwiit o un aien anliin neom ikni hwiit iran, ja etpu atnamud narasin aien an cop inyi ti lep opos.

Madius 21:19

Is ecetai nateg is ethi an nefalaig aien, um apan o un, um eti ecetai tah nohoan, nerin ache; is um ika aien, Etmu jim lep eteuc nohoam um yetpan irai iji adiat. Is um auroauro um mese nateg.

Joanes 15:16

Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak.

Lukas 8:13

Ara era idivaig nupsi itai an nij ara, ara aigki era atahaijeg intas ara, um leh, um imyiacitak; et eti eteuc necvan tas ira ra, era eti elvimyiisjis ninivaijec ara, eh wat ago nedo oop vai ra era adumoij ara.

Joanes 17:12

Kis wat amen ehele ra an nobohtan ainyak, kis aminjinai ra ainyak an nidam: kis aminjina atimi iji eigki ainyak as alupai nyak ra aiek; et eti melga tah ra, nihki natimi ache; va uhpu ehneijid intas ineig eris upyi aged.

Madius 13:33

Is lep aketo aien um tas ecsipece ehele ra, um ika, Nelcau an nohatag et idivaig leven is leh intakata is ethi, um ati a flaur ehceseij asjaaicnaig iran, is um leven asega.

Madius 7:19

Er acaldei nauicai asega et eti ohoai itai upene, um erekhaigjai an cop.

Madius 25:29

Ara asega et ura niji itai, uhpu alupai ra, etpu ahinag niji itai ura: ja aien et eti o un niji itai, uhpu atipagki niji itai iran et ika aien et o un.

Joanes 15:1

EK ohui vaine inivaijec ainyak, et atimi aminjinaig vaine a Etmak.

Joanes 15:3

Eh mun ahped upene caua an tas ineigki ek mun asuptecnaig ehelemia ainyak.

Joanes 15:6

El et eti amen ehelek tah natimi, uhpu ethaig pan itac yin et idivaig inran, etpu mese; era asjapicnaig natimi, um atijai an cop, um atnamud.