Joanes 13:1 - Intas-Etipup Mat u Iesu Kristo 1863 (Aneityum Gospels)

¹ An naopan iyehki is mun ubutpotet u nasjapicnaig va napaska, ja is ato a Iesu, nikavaig, is yetpam naopan ineig inyi ude nobohtan ineigki aien, um apan ehele Etman, is aiyu inliinmopon aien vai ilpu atimi o un an nobohtan, is lep aiyu inliinmopon aien vai ra um yetpan u inmas o un.

Joanes 13:1 Referans Kwoze

Joanes 12:23

Is tas ehele rau a Iesu, um ika, Et mun ubutpotet u naopan ineig uhpu ehvaig natimi alupas o Inhal o natimi.

Joanes 13:34

Ek alupai caua intas alep mat ineigki ainyak, mika yi aiyu jipe inliinmopomia aijaua vai caua; et idivaig naiyu u inliinmopok vai caua, etmu ucco naiyu jipe u inliinmopomia aijaua vai caua:

Joanes 16:28

Kis ahes ehele Etmak ainyak, um ham an nobohtan: ekpu lep ude nobohtan ainyak, um apan ehele Etmak.

Joanes 13:3

is ato a Iesu, nikavaig, is ati niji itai asega an nikman a Etman, is idim ahes ehele Atua aien, ja par apan ehele Atua;

Joanes 18:4

Is ato a Iesu niji itai asega etpu vetpam iran, ja is apan aien, um ika ehele ra, Eka ahilek di aijaua?

Joanes 17:16

Era eti atimi an nobohtan ara, et idivai nyak, ek eti atimi an nobohtan ainyak.

Joanes 17:1

IS wat tas ehni a Iesu, ja par easji pan an nohatag, um ika, Ak Etmak, et mun yetpam naopan unyak; namu ehvaig natimi alupas o Inhal unyum aiek, va etpu lep ehvaig natimi alupas unyum a Inhal unyum:

Joanes 17:5

Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.

Madius 26:45

Is apan aien ehele ehtaij atimi atahaijeg yin, um ika ehele ehtaij, Umjeg aijautaij, um atumop: et mun ubutpotet naopan ineig, eh mun aniv Inhal o natimi ehele ilpu atimi auatatimi:

Joanes 17:26

Ek mun asuptecnaig nidam ehele ra ainyak, ekpu lep asuptecnaig ainyak; mika yi aiyu inliinmopom aiek vai ra, et idivai naiyu u inliinmopom vai nyak, ekpu lep amen ehele ra ainyak.

Joanes 14:28

Akis atahaijeg aijaua intas unyak ehelemia, nikavaig, inki apan ainyak, ja par lep ham ehelemia. El et aiyu inliinmopomia aijaua vai nyak, el eka imyiacitak aijaua vai intas unyak, nikavaig, Ekpu apan ehele Etmak ainyak: et idim esjilid irak a Etmak.

Joanes 11:55

Is um ubutpotet u napaska u nupu Jutaia: eris ahes an pece iyehki natimi is ahinag, um apan Jerusalem, mika eri ago adicinadicin ra ara, ja pah caig napaska.

Joanes 7:30

Eris merit ara narop iran vaig: ja is eti arahpan vai yin tah natimi, is eti fi yetpam naopan o un.

Joanes 7:6

Is um ika ehele ra a Iesu, Et mun eti fi yetpam naopan unyak: ja et eteuc naopan unyimia irai iji adiat:

Joanes 6:4

Is um ubutpotet u napaska, nasjapicnaig o nupu Jutaia yehki.

Lukas 22:53

kis wat amen ehelemia ainyak anliin neom ahlap irai iji adiat, akis eti arop irak aijaua: ja et nuarin-nadiat unyimia ineigki, im nemda o naupat.

Lukas 9:51

AN naopan iyehki is wat ubutpotet u naridjai o un aien, is ika aien yi idim apan Jerusalem,

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Joanes 8:20

Is asan tas iji eigki a Iesu an nesege o un, an nuarin ikni mune iran anliin neom ahlap: ja is eti arop iran tah natimi; is eti fi yetpam naopan o un.

Joanes 2:13

IS um ubutpotet u napaska o nupu Jutaia, is apan Jerusalem a Iesu;

Joanes 13:29

Is amen ehele Jutas incedpai mune, va nitai ineigki, eris aktaktai nahaiji ra, mika is ika ehelen a Iesu, Auarimtai itai iji eigki aiek, inta merit vaig akaija va nasjapicnaig; ka yi alupai ilpu ihki atimi itai.

Joanes 14:31

Ja erupu ato atimi an nobohtan mika et aiyu inliinmopok ainyak vai Etmak; is idim asaig ehelek a Etmak, et um ucco ek ago ainyak. Ti atidai akaija um apan eagko.

Joanes 19:28

Is wat ti pan itac nitai iji eigki is ato a Iesu, nikavaig, eris ago ehni niji itai asega; va uhpu ehneijid intas eris upyi aged, is ika aien, Ek ahvig wai ainyak.